memories d'un ferreteru-edición coleccionistes

memories d'un ferreteru

2006-01-04T14:08:00.000+01:00

pel momentu y hasta nuevu avisu memories d'un ferreteru nun se va actualizar. sicasí en cualesquier instante podría introducise una nueva entrada. pa tar informáu/ada suscríbete al rss del blog.
gracies.
pues siguir los comentarios de xabel en www.xabeldiz.blogspot.com

quincuaxésimu quintu día

2005-11-29T22:15:00.000+01:00

0646 sonó'l primer despertador, prendió la radio, y como siempres llegó a llevantase pensando si la radio ya tuviera encesa cuando despertara.

0705 llegó al bañu coles narices taponaes, taba con entamos de catarru (anque nun ye entamu sinon que son los soletazos d'aquel primer catarru que tuviere cuando yera neñu); sonóse y aclarió la cara.
0725 la so madre llegó a dicí-y que punsiera ropa d'agua, taba lloviendo, elli garró'l movil y llamó a un compañeru pa que lu llevare.
0751 en coche llegó a la ferretería. llovía...
0800 entamó a aspirar. nun dexaba de parase la máquina d'aspirar, aun asina pasóla per tola tienda. depués llegó-y'l turnu a la máquina de llavar, ésta sí que se paró depués d'una selmana ensin carga por motivos técnicos.
0900 yá sabéis revisar y revisar...
1300 salgo pa xintar.
1500 vuelvo. sacó los palés y tomó un café con lleche y bien de sucre, anque tamién ye a tomalu ensin gota sucre.
1700 pasa la tarde ensin novedá.
1910 tien de dir a la oficina.
1912 firma'l finiquito. ta dalcuerdu.
1915 entama a despedise.
1930 marcha.
1935 unes cerveces colos compañeros.
2000 alcuérdase de maria antonieta. qué va ser d'ella cuando tea en madrid?

fin de la primer etapa de memories d'un ferreteru. agora vuélvese a la, mal llamada, normalidá llaboral de la mocedá asturiana.
mañana entama otru día, otru ciclu... día d'asturies del festival de cine de xixón, diré... escuela de seronda, diré... serviciu públicu d'emplegu, diré... carné de conducir, sacarélu... maria antonieta, marchará... y yo nun quiero, nun puedo, marchar.

por qué tenemos que perder la inocencia?

2005-11-24T20:30:00.000+01:00

despedíu por fin de contratu

2005-11-20T20:20:00.000+01:00

esti miércoles el ferreteru conoció mediante carta l'anunciu de la non renovación del so contratu y perende la finalización de la inconstitucional relación laboral mantenida con una ferretería del centru d'asturies. la nueva, inesperada anque previsible, pon en peligru la meyoría física d'el ferreteru colos sos catorce quilos, sí catorce, perdíos nestos seis meses de trabayu.

como ye persabío nestos seis meses nun hebo vacaciones y agora quiseron dámiles, pa nun tener que les pagar, a lo que la rempuesta foi que sintiéndolo muncho y al nun conocer colos llegales dos meses d'avisu nun podía coyer les vacaciones ufiertaes.
ábrense agora nueves puertes pal ferreteru... dir al festival de cine de xixón, dir a la escuela de seronda, dir a la fiesta de santolaya en puertas, dir a los ciclos de la caxa... sacar la llicencia de conducción p'asina dexar de ser tan diferente respectu al restu de persones...
en fin que la mayor sorpresa vieno cuando-y dixeron al ferreteru que trabayaba mui bien pero que nun encaxaba na empresa, y eso que grande la empresa yera enforma... nun m'apena ellos lo pierden, voi echar en falta a dalgún compañeru pero tampoco tamos tan lloñe como pa nun mos poder ver.
y lo meyor de too ye que si me dicen que siga yo hasta sigo con ellos. ah y les circunstancies que provocaron la mio contratación siguen idéntiques a como taben cuando llegué.

salú

carta d'axuste

2005-11-17T21:37:00.000+01:00

un viaxe del ferreteru

2005-11-14T22:18:00.000+01:00

el ferreteru ye quiciaves una de les persones mas vagues a la hora de viaxar, baste conocer qu'anque-y preste pela vida dir a cabrales o a xixón nun va por nun tar una hora nel bus, poro les sos salides del centru asturianu son rares y escases. esta fin de selmana, y ante'l convite de corrupia de dir a la fiesta del oruxo de potés (provincia de santander), decidió cambiar los vezos y per primera vegada n'años salir d'asturies y conocer (reconocer) otros llugares y cultures, amás de por supuestu ver la cara más oriental de los picos...

entamó'l día nuna asamblea del conseyu de la mocedá del principáu d'asturies onde una de les persones más queríes y apreciaes pol ferreteru diba dexar la llábana qu'arrastraba dende había cuatro años a otra de les persones a les que más quier. depués de la xinta l'electropedagogu vieno pol ferreteru a metelu en coche con dirección la liébana... nun hebo resistencia.
namás llegar sintióse como en casa, sonáben gaites asturianes, incluso creyó tar nel occidente asturianu, cuando en realidá taba nel occidente de la provincia de santander, de la que sintía la rumba d'ibias; caminando peles perguapes caleyes empedraes de piedra asistía a un modelu de recuperación urbanística que n'asturies, y perespecialmente na zona oriental, ye cuasi desconocíu. bien llueu atopamos a xente cabraliego que mos diba amenizar la nueche con pergupes conversaciones sobre l'orixé orxenomescu de los pueblos de cabrales y de la liébana d'au radicarí la enorme semeyanza llingüísitica de los conceyos... a tal grau llegó que na visita al muséu de los picos d'europa de potés llegó cuasi a tener un orgasmu filolóxicu al sintir l'aspiración perfecta de la h aspirada que dexó impresionaos a corrupia y electro.
reconozo que siento almiración polos pueblos de liébana, sobre manera por como son a salir y desenvolver el so futuru, un exemplu a siguir polos pueblos del oriente d'asturies. ta mui guapo tener el picu urriellu, pero ensin cultura propia ye como tener un naranxu en metá del árticu, una curiosidá ente milenta que con una güeyada ta vista y pervista.
a la mañana, creo que la crítica culinaria la va facer electropedagogo, llevantámonos y depués de despedinos del nuesu anfitrión, hai families que tienen la suerte de tener un encantu perespecial pa bien, fuimos a regala-y una corbata al nuesu queríu amigu estoupo que bien la merez.
el ferreteru dexó atrás la so caxina de regaliz, aquella tan guapa, pero cola seguranza de que va facese un bon usu de la mesma.
hai una cosa que me llama l'atención d'esta zona, mientres n'asturies el gobiernu asturianu rechaza la cultura asturiana en cantabria la cultura asturiana ye asumida como propia ensin nengún rubor, musicalmente falando, que coses... y diz areces qu'asturies nun tien falta redifinir la so identidá.
dientro d'unos años cuando vuelva salir d'asturies volverá otra entrada sobre viaxes. anque la verdá ye que me paez que nun pusi demasiao de los viaxes. corrupia conduz mui bien y nun pasó'l los llímites en nengún momentu.
besos y abrazos.

por ciertu mañana voi saber si me renueven el contratu.

embaxo los adoquines nun hai sable

2005-11-09T21:32:00.000+01:00

francia ta en pie de revolución, como doscientos años enantes y nel 68, les cais de la república exemplar enllénense de movilizaciones sociales, los y les que nun tienen quieren tener, los y les que nun pueden quieren poder, quieren vivir como los y les demás. la modélica convivencia de la sociedá francesa fenció hai dos selmanes cola muerte de d'un mozu, perseguíu pola policía, electrocutáu por unos cables d'un de los barrios de la miseria de la ciudá del amor.

esi momentu significó l'entamu d'una riestra movilizaciones que van espardiéndose yá nun solo peles ciudaes franceses sinon tamién a los países de la rodiada con altu porcentaxe de población inmigrante. europa nun ta preparada, europa nun lo esperaba, el nuesu sistema nun reacciona lo rápido que debiera...
embaxo los adoquines nun hai sable, nun hai poesía, hai supervivencia. nun hai lírica porque nun hai educación, nun hai lírica porque nun hai trabayu, nun hai lírica porque nun hai participación nos elementos estatales de consulta ciudadana, nun hai participación porque nun esisten, nun son.
y sí son y tan faciendo lo que pueden pa que se sepan que son, pa que se sepa que quieren vivir en condiciones dignes, que tan fartos y fartes de vivir en edificios en ruines, que tan fartos de nun poder estudiar porque tienen que buscase la vida pa comer, que tan fartos de ser discriminaos por nun ser fios y fies de franceses o europeos...
hai unos años un collaciu, maliq, toulousan (pémeque escríbese asina) y fíu d'arxelinos, cuntábame qu'elli nun podía entrar en discotéques, porque nun lu dexaben; yo miraba pa elli y non lo creia, quiciabes fuera la mio primer decepeción con francia, nun sé, pero aquella discriminación estulta y contraria a la igualdá paecióme puru y absolutu facismu. maliq ye un tio absolutamente normal, nun tien más elementos en común colos que tan anguaño movilizaos y movilizaes que ser fiu d'arxelín, la so familia ta integrada na comunidá y vive como cualesquier familia francesa...
esta revolución francesa de güei nun ye nueva na historia siempre los que nada nun tienen llevántanse pa tener y asina sigue'l ciclu de la historia. agora a unos quéda-yos facer real la integración y a otros tócanos preparanos pa integrar a los y les que vayan venir. retos difícles pero que pa un país esportador de mano d'obra, como ye asturies, nun tienen de suponer un handicap, habemos aprovechar la esperiencia de los de nueso allende los mares o allende los pirineos y aplicar les fórmules que permitieron que los y les asturianes del esterior pudieren vivir, y en casos prosperar, nos países d'acoyía.

güeles eso? güéleslo verdá...

2005-11-08T20:59:00.000+01:00

-qué ye?

-ye napalm, nada nel mundiu güel como eso. préstame'l golor del napalm al alborecer; una vegada demientres doce hores bombardeamos un colláu y al acabar nun alcontramos nin un calabre d'esos amariellos de mierda. qué fedor el de la gasolina quemada, pero aquel colláu golía a...victoria. dalgún día acabará esta guerra.
d'apocalipsis now de f.coppola

un programa de la rai acaba d'emitir imáxenes nes que l'exércitu de los eua utiliza en 2004 armes de destrucción masiva, les que fueron buscar, en falluja. volvía ser napalm, arma prohibía y que los eua siguen emplegando con absoluta impunidá. la selmana pasada sabíemos de la esistencia de campos de concentración en países del este européu, güei esto. siguirán los aznares, berlusconis, blair's...davila...losantos afirmando que la invasión y posterior colonización d'iraq, previa desapaición de la república laica, foi un aciertu que contribuye al espardimientu de los derechos humanos nel mundiu y perespecialmente nesta rexón?
aquel menage a trois de les azores, cola complacencia de durão barroso, pasará a la historia como la nueva triada del facismu...el triu compuestu pol que robó la democracia, el que borró a la izquierda y el que engañó al pueblu...

non, nun te fae gracia

2005-11-07T22:59:00.000+01:00

No, no te hace gracia que me agarre tanto a ti,
que necesite tu cariño para ser feliz y que no encuentre otra razón para vivir.
No, a mí tampoco me divierte estar así
pero ¿qué quieres?, me he perdido y ahora no sé salir, en ti he encontrado la esperanza que perdí.
Oh, sí, no me imagino cómo voy a estar sin ti.
Sé que aunque me quieres también quieres ser feliz
y que a mi lado eso es difícil porque yo soy así. Ahora ya no puedo ayudarte ni tú a mí.
Oh, sí, no me imagino cómo voy a estar sin ti.
Sé que aunque me quieres también quieres ser feliz
y que a mi lado eso es difícil porque yo soy así. Ahora ya no puedo ayudarte ni tú a mí.
Oh, sí, no me imagino cómo voy a estar sin ti.

y nun pasa un día ensin que'l ferreteru escuche a los secretos

a la d'una, a la de dos, a la de tres...

2005-11-07T21:33:00.000+01:00

depués d'una manifestación

2005-11-05T17:23:00.000+01:00

pasó la mani del cao con gran participación. tolos sectores de la sociedá asturiana presentes, dende exresidentes a diputaos y conseyeros, inclusu dalgún del pp que pela cai uría pasaba... asturies con una sola voz, con un solu glayíu pola igualdá de los derechos civiles nesti país.

la xunta xeneral d'asturies entama agora la so reforma estatutaria, ye güei más necesario que nunca, entamar d'una vegada yá, la redacción del artículu 4 au se reconoza la igualdá de derechos llingüísticos ente la ciudadanía asturiana, dexala pasar ye dexar morrer la cultura y señes d'identidá asturianes.

puxa asturies, puxa l'asturianu

y depués de la mani fuimos pa casa corrupia a durmir un pigazu, enantes d'entamar una nueche menos ensin oficialidá. vamos pa la casa posafuelles a ver más xente conocío, amigos y amigues que dexamos atrás, retomar alderiques ensin finar, comentar l'actualidá, facer planes de futuru pal nuesu conceyu... cenar colos y coles+ que quermos daveres

leonor segunda

2005-10-31T23:19:00.000+01:00

güei 31 d'ochobre nació la fía de letizia ortiz y felipe borbón, el fechu nun sería noticia de realizase nuna familia convencional (miembros en paro, hipóteques, precariedá llaboral...) de nun ser porque los sos padres son príncipes, empobinaos por nacimientu, y matrimoniu, a la xefatura del reínu d'españa. leonor nun naz con un pan debaxo'l brazu, ye dalgo más d'una barra medio, leo naz con una previsible reforma de la sacrosanta, y sacroconsensuada, constitución del 78 pa qu'asina pueda ser reina, en casu de que vaya tener dalgún hermanu.el ferreteru entiende que la monarquía ye dalgo absolutamente anacrónicu y desfasáu y poro considera que la so abolición ye un fin social, pero mientras hayamos de la soportarhai qu'esixíi-y una conservación plena de les sos tradiciones. lo mesmo que'l ferreteru s'opuso a la boda de felipe con letizia, al entender que la mesma desvirtuaba a la institución monárquica, la propuesta de reforma de la constitución pa facilitar la llegada al tronu español de leonor ye un ataque pergrave a les tradiciones seculares de la monarquía.

la convocatoria d'un referendum sobre la eliminación de la preeminencia de la llinia masculina, sobre la femenina, na herencia de la xefatura del estáu ye en sí mesma una burlla si nun ta acompañada pola cuestión repúblicana. esto ye que nun sería aceptable una consulta popular, nel estáu español non vinculante, sobre la sucesión del tronu si nun s'entruga sobre la eliminación de la monarquía, por supuestu non físicamente, y la restauración del réxime repúblicanu y democráticu fináu en 1939.
el ferreteru piensa que lo meyor que-y pueda pasar a esta neña, qu'acaba nacer, ye poder vivir como una ciudadana, con tolos derechos y obligaciones. ser una persona normal, dalguién más.
el ferreteru alcórdose al saber del nataliciu del proble froilán, persona que de tar como quieren facer agora habría ser l'heriede de los "derechos" dinásticos. quien sabe si conociendo a los españoles nun se monta una facción de sofitu al infante don froilán...como sucesor llexítimu de la corona. pero esto, como ta claro, ye una coña.
letizia, la nuesa conciudadana, yá cumplió'l so papel de concubina; lléga-y agora una etapa de bona vida na corte, atendiendo milenta obligaciones sociales y fotoreportaxes del hola y del qué me dices. tóca-y esperar dieciocho años, cuntando con que nun muerran nin el so suegru nin el so home, pa evitar ser reina rexente.
leonor ii, infanta y grande d'españa solo por nacer nuna determinada familia, los tos súbditos arrodíllense ante ti, los y les que creemos na igualdá de la ciudadanía queremos que sías como nos, repúblicana.
salú y ciudadanía camarada.
y nun se llamó covadonga, tampoco pelayo, nin urraca (como'l ferreteru quería)... llamóse leonor. d'aquitania, de castiella...futura reina de xerusalén ente otros munchísimos títulos que va tener.
pa felicitar lo meyor ye siguir col web de covadonga de borbón.

entruga

2005-10-30T23:15:00.000+01:00

por qué pa parir ,a la persona que según la constitución va ser la máxima responsable del sistema públicu, letizia nun va a la sanidá pública?

sía lo que sía

2005-10-30T23:07:00.000+01:00

dame igual lo que vayan tener letizia y felipe, alégrome por ellos porque van tener un fiu o una fia, pero sía lo que sía si xefe/a d'estáu quier ser poles urnes habrá pasar.
viva la república

nigeria

2005-10-26T23:51:00.000+02:00

mientres que cientos, quien sabe si miles, de compatriotes buscaben un futuru meyor n'europa, una gran parte na casa de campo de madrid, la muyer del presidente de nigeria morría víctima, non de la fame, nin de disparos de la policía d'emigración, sinon d'una operación de ciruxía estética.

el gastu n'educación nesti país ye del 0,7%, el militar del 11%. 6 de cada 100 nixerianos pueden lleer esti blog, pero como'l 30% de la población ye analfabeta pasarán los 51 años de media de vida, y nun van saber nunca nin qu'esistiera, amás 78 de cada 1000 neños que nacen muerren d'aquella. la llei islámica, la sahria, ta vixente, como n'iraq. los derechos de la muyer dependen de la interpretación, siempre estricta pa con elles, de la llei y poro nun tienen derechos, pero la muyer del presidente morrió en marbella n'operación de ciruxía estética, probe muyer.
santiago segura ya tien guión pa "torrente iv operación estética, marbella nigeria oil"

usu de ferreteru

2005-10-24T23:42:00.000+02:00

cuestión de derechos

2005-10-24T21:13:00.000+02:00

el sábadu día 5 de payares les cais d'uviéu van volver vese enllenes por una marea que nun va festexar trunfu deportivu nin embarazu real, les cais d'uviéu van enllenase de xente glayando por tener derechos, los que reconoz la constitución española y los que la so falta denuncien organismos de la unión europea, asina como la mayoría de la población asturiana. y ye que l'anormal situación llegal del idioma asturianu, y del gallegu-asturianu, nun atiende nin a los preceptos constitucionales, nin a normatives y directives de la ue, nin por supuestu a la voluntá del pueblu asturianu de que la so llingua sía una más, sólo una más.

la oficialidá de la llingua asturiana, que tantu mieu paez que provoca ente determinaos sectores más preocupaos por mantener esti apartheid llingüísticu que n'entamar a solucionar los problemes del país, nun significa más que la igualdá de fechu ente les comunidaes llingüístiques d'asturies, sólo eso más nada, entós por qué tantu mieu a esta midía? por qué tantu mieu a que seamos iguales?
reconocer oficialmente a la llingua asturiana ye reconocer la esistencia d'una comunidá llingüística diferente a la castellana n'asturies, non la reconocer ye siguir negando derechos a casi la mitá de la población.
reconocer la llingua asturiana ye dotala de preseos y recursos pa que siga viviendo y nun se cumplan les alvertencies d'unesco sobre la desapaición del asturianu nos próximos 50 años. reconocela ye un gabitu, imprescindible, pa que'l pueblu asturianu siga siendo asturianu, ye esa la nuesa marca d'identidá; la que mos diferencia, pero sobre too mos axunta colos pueblos que falen les llingües que vienen del llatín, colos que compartimos una base común que nun podemos nin debemos renunciar.
el gobiernu del bloque por asturies, izquierda xunida y federación socialista asturiana continuando la tradición "democrática" de los gobiernos autónomicos asturianos sigue ensin dar pasos conducentes a la normaliazación de la llingua asturiana aplicando medíes desenvueltes n'otres comunidaes llingüístiques de la rodiada, sinon que lo qu'intenta ye buscar la via asturiana a la sobrevivencia de la llingua mediante la innovación. una via que nun contempla la oficialidá de la mesma (anormal nel estáu español), una via na que les lleis que s'apreben nun tienen valir al nun tar reconocía como oficial... en fin una via dientro d'un tunel ensin salida.
alcordase d'aquellos que dicíen que nun diben participar nun gobiernu que nun reconociera la oficialidá de la llingua asturiana nun ye difícil, tan agora. sicasí más qu'alcordamos vamos mirar pal futuru, nun futuru n'asturianu y n'igualdá ente los y les ciudadanes d'esti país que se llama asturies.
puxa l'asturianu.
puxa asturies.

pp da-yos ales

2005-10-20T20:30:00.000+02:00

depués d'escuchar les pallabres de dellos dirixentes del partíu de la derecha española, acasu esiste otru?, nun mos pueden estrañar los actos y aiciones contra persones de la izquierda histórica, güei tocó-y a carrillo, eurocomunista, na universidá autónoma de madrid, va un tiempu foi nuna llibrería, ayer nel blog d'eduardo haro los mensaxes qu'atentaben contra la so memoria campaben pidiendo la muerte de delles persones de la izquierda.

en menos de dos meses entama 2006, l'añu del 70 aniversariu del golpe d'estáu, contra'l gobiernu democrátricu, y del entamu de la guerra civil española, añu nel que l'estáu español retrocedía nueve años, nos derechos, y parába la so evolución cívica y social. añu nel que la derecha que nun aceptaba'l resultáu d'unes elecciones llibres y democrátiques promovió un golpe d'estáu, y darréu un xenocidiu de cientos de miles de persones, solo pola so ideoloxía. la primera echáronla abaxo colos caballos, la segunda los fusiles y la monarquía democrática d'anguaño cómo la van echar abaxo?
el pp, el que recibe los votos de los que siguen creyendo que ye un trunfu echar a los gobiernos democráticos pola fuerza, nun sólo nun fae nada por iguar esta situación, sinon que la fomenta mediante la creación d'espexismos de fueos onde nun esisten. como exemplu la falta de respetu d'esi partíu hacia les decisiones de los parlamentos vascu y catalán, na reforma de los sos estatutos d'autonomía, la falta de vergoña a la hora de culpabilizar al gobiernu español de los 11 muertos nel incendiu de castilla la mancha... y ye que como dicía'l presidente español, sr rodríguez zapatero, al llider, supuestamente, del pp y de la derecha española -usted se habrá quedado sin discurso y sin proyecto, porque nunca lo ha tenido-.
lo que más me manca ye que tengo amigos que militen nesi partíu. y que naide piense que toi diciendo que nel pp nun hai xente que sía democrata, hailos y hailes, pero'l populismu esencialista que tan faciendo nun mos puede llevar a bon puertu.

adios mayestru

2005-10-19T23:04:00.000+02:00

hai unos años, de la qu'empicipié a lleer el país davezu, cuando llegaba a la sección d'espectáculos y televisión entamé a lleer una columna que nunca supe porque taba ellí puesta, nun falaba nin de la televisión nin d'arte, falaba de política. dende un radicalismu republicanu, con tolo qu'implica ser y vivir como ciudadanu, don eduardo facía crítiques constructives a aquelles coses del mundu que pensaba que necesitaben d'un cambiu. motor de pensamientu cívicu don eduardo lluchó pola igualdá de los y les ciudadanes, lluchó por recuperar la memoria escaecida nesa amnesía que llamen transición. don eduardo lluchaba, cola pallabra, por cambiar esta sociedá, por despertala d'esa hipnosis na que s'alcuentra, despertará agora qué elli yá nun ta?

p'acabar unes lletres d'un de los sos artículos
salen los del pp y piden romper con cuba, suspender la ayuda -médic, alimentaria-; sale solana y dice que, si más tuviera, más enviaría. va habiendo datos diferenciales. la oposición años disimulando, moderándose, fingiéndose a la izquierda del psoe (que no es difícil) y, de pronto, por la curva de resultados de las legislativas hacia las europeas, se destapan y sueltan el consrvadurismo: el color de miami o del vaticano, doctrinas homogéneas. creen que ganan ellos porque el socialismo ¿es de izquierdas! que les favorece su querencia a la caverna.

eduardo haro tecglen

la so páxina

alvertencia

2005-10-16T14:39:00.000+02:00

memories d'un ferreteru va evolucionar a otru formatu, qu'anque conserve l'apariencia de blog, que conservando la ¿orixinalidá? de les entraes sía más calmáu y sobre too posao nel intre de facer los analisis d'aquelles coses, grandes o piquiñines, que pasen y por dalguna razón causen una impresión, sobre la que sentimos la necesidá d'espresanos per mediu de la pallabra escrita. tamién vamos avanzar nel tarrén gráficu, más imáxenes implicarán dafechu mayor entendimientu de lo que se quier dicir, tamién van significar una mayor reflexón más que nunca necesaria nestos momentos históricos onde nada ta claro y el futuru ye dalgo no que los suaños conviértense en pesadilles.
o igual facemos pa que'l futuru sía de nueso, y cuando falo de futuru viénenme les pallabres del presidente allende qu'escribo darréu

sigan ustedes sabiendo que, mucho más temprano que tarde, se abrirán las grandes alamedas por donde pase el hombre libre, para construir una sociedad mejor.

¡viva chile, viva el pueblo, vivan los trabajadores!

asina qu'hasta la vuelta... besos y abrazos.

quincuaxésimu quintu día

2005-10-13T20:48:00.000+02:00

agradezo a los collacios d'asturies.com la so velocidá n'iguar la falta de memoria del ferreteru, agora pa lleer memories d'un ferreteru va poder facese dende les siguientes direcciones, que como los caminos van a roma, www.ferreteru.blogspot.com, www.ferreteru2.blogspot.com, www.ferreteru.tk., que son unes cuantes pa soportar unos llibros inlliables les más de les veces.
0356 el ruidu del agua me despierta. subo la persiana pa ver llover, ye una cosa perguapa, la tierra güel a humedá y el calor acumuláu del branu (tamién de la primavera) evapórase formando ñubes de niebla que faen de la ciudá dalgo enforma apaecío a la city.
0405 depués de momentos tan románticos vuelvo al racionalismu estrictu y entro na cama, arrópome y prendo la radio pa nun escuchar, nin sentir, nada.
0646 suena'l primer despertador. subo'l volume de la radio, que como siempres quedara encesa, y siento les noticies d'asturies el tresporte sigue de fuelga, los tresportistes del estáu español van axuntase a los asturianos pa conseguir meyores condiciones de trabayu. alsa yá nun ye de l.luarca ye británica, según paez y cuenten la operación consiste en que los cosmen se faigan nos primeros accionistes de la national express, anque sía la national express la que pague por una compañía deficitaria que va quedar coles llinies de llatinoamérica y china.
0705 por fin salgo de la cama, casi tolos díes pienso en porqué paso venti minutos ensin facer nada intentando llevantame cuando lo más fácil sedría poner un solu despertador a les 0705 pero nada ún que ye un maniáticu y quier ser raru.
0728 llueve munchísimo, decido perder un bon día pa llavar la moto y voi en national express, ye'l mio primer viaxe nun autobús británicu, taba nerviosu pregunté-y a un señor si ellí paraba'l national pa dir a silvota y miróme con cara de sustu pensando en que tipu yera aquel de pantalón d'obra que-y falaba d'un national que diba pa los polígonos, pero bono tamién el día yera raru.
0758 entramos.
1300 salimos, nun hai novedá. hai fuelga y nun entren palets.
1501 sí un minutu más tarde, entramos.
1931 salimos, compensé'l minutu.

ayer matáronme a la mosquita que tenía en cuartu, voi echala en falta, anque apelando a la mio memoria de pexe cuando acabe d'escribir esto yá pasara l'escaezu.
besos y abrazos.

la cabra paecía tar meyor alimentada.

quincuaxésimu cuartu día

2005-10-10T20:34:00.000+02:00

otru llunes más. otra selmana más a restar del total de les selmanes que tien el contratu de duración.

0130 toi suañando que toi en trabayu, llevántome a escures y voi pa onde la tele, cola intención de movela, como la lluz nun ta prendía enciendo la tele, la mesma que voi mover, pa ver un poco; depués de decatame de que sólo taba col pesadiel.lu vuelvo pa la cama.
0646 suena l'alarma. prendo la radio y escucho? les noticies d'asturies. dicen qu'hai fuelga de tresportistes y que va llover.
0705 llevántome. llevo la radio, como davezu, al bañu pa resintir les anuncies mientres me llavo.
0728 acabé, toi vestíu y almorzáu, batí un record. voi pola moto, tengo que la llavar enantes yera azul y anguaño yá tien más gris qu'azul, nun sé si pasaré la itv.
0744 paro na gasolinera y compro l'agua, nun sé porque nun me da por mercalo o encargalo'l día enantes y asina aforrar unos cuantos centimos.
0747 soi rápidu. llego'l primeru a la nave.
0900 como si sientiere les campanaes del reló de la escandalera acabo de facer lo de tolos díes. hai fuelga de tresporte pa esixir la supresión del peaxe de l'autopista del güerna y la desapaición del impuestu indirectu sobre'l combustible que graciosamente mos concedió'l gobiernu progresista del señor areces, enantes de que se fixere'l pactu de la esquierda plural, p'asina facer frente a una mala negociación del trespasu de la sanidá pública.
0930 asturies, cola escepción obvia de les islles canaries y balears, melilla, ceuta y perexil ye la única parte, de les anguaño integrantes, de la corona española dende la que pa dir a españa hai que pagar por usar l'autopista, colo qu'ello supón. esto ye una auténtica contradicción col sistema de neolliberal que defende, económicamente, el gobiernu areces. asturies tien d'averase a otros centros económicos, facer por supuestu lo posible por ser centru económicu, pero desaniciar la idega, falsa, de que too tien de venir per madrid, habemos aprovechar la ue y averanos a otros países, igual de cercanos, como francia, portugal, iguar estructures marítimes que dean posibilidá de comerciu a los nuesos recursos y la distribución de los de daquellos que nun tienen salida a la mar. tan grande ye la osadía de la fsa-psoe que nes últimes elecciones al parlamentu español el candidatu númberu un por asturies de dicha federación yera una persona que se destacó na so llucha contra la supresión del peaxe, y la xente votólu, y ye que nun sabemos que solo en madrid se podía votar a zapatero? esto ye los y les propies asturianes votaron en contra de los sos propios intereses.
1300 pasa rápida la mañana, vien dalguna caxa, poca cosa. salgo que tengo fame y ganes de pigazu.
1500 vuelvo pensando en que'l miércoles ye'l día de la raza, perdón día de la hispanidá, y nun hai que venir a trabayar. comentábanme ayer que se taba faciendo un conceyu de preparación d'una manifestación d'exaltación de la raza y que pa la ocasión vinieren representantes de los latin king, los ñetas, maras, falange, democracia nacional, españa 2000 pa cellebrar data tan siñalada. el casu ye qu'esta reunión, que bien podría tar autorizada pol delegáu del gobiernu español n'asturies, algamóse la decisión de que la meyor forma d'atestiguar la supremacía racial hispana nun yera otra más que la d'entamar un combate de vale tuto, o como quiera dios que na gloria tea, ente ellos.
1600 la cabra de la lexón va dir al desfile. nunca tuvi cabres pero vi munches y he dicir que nenguna tan famélica y ruina como la de los lexonarios españoles. y los y les madrilanos aplauden al pasu de les tropes de la victoria nos campos de perexil, de bailen y de teruel, enorgullécense al ver la banderona rojigualda y sienten emoción al sintir un himnu que, al contrariu que los demás, nun tien lletra y pa encima hai que pagar los derechos d'autor a los herederos del creador de la obra. eso sí los militares españoles dannos les gracies, nun sabemos por qué pero bono de bona xente ye ser agradecíos anque en casu de victoria democrática na que se deicidiera la soberanía de dalguna parte de la corona respectu del restu l'exércitu español entraría en combate al mandatu de la constitución democrática.
1930 pasa la tarde ensin novedá. perdí un torniellu. acabóse'l mio celibatu, dende va dos selmanes tengo'l gustu de convivir con una mosquita que ronda pel mio cuartu toles nueches queriéndome facer chupetones, la verdá ye que toi garrando-y preste.

2005-10-09T13:50:00.000+02:00

sometimes i fell so happy, sometimes i feel so sad

aniversariu

2005-10-06T20:52:00.000+02:00

revolución proletaria asturiana ochobre 1934.
uhp

quincuaxésimu tercer día

2005-10-04T20:23:00.000+02:00

enantes d'entamar: pa facer más cenciella la entrada al blog púnsose en funcionamientu la dirección www.ferreteru.tk a, sicasí la de siempres va siguir operativa hasta que mos despidan. salú

0703 la ser da anuncia de la xornada en defensa del estáu del bienestar na república francesa. el ferreteru ciégase de la envidia, por qué siempre tienen que ser los y les ciudadanes franceses los y les primeres en casi too?
0738 salgo de casa, abrígome munchísimo, porque fae munchísimo frio, pienso nel friu oficial que tanto repetíen los profesores d'institutu.
0756 entramos, sí cuatro minutos enantes de la hora, el xefe venía acelerando como si lu llevaren los demonios.
0858 acabo facer les xeres programaes davezu; entamo cola revisión rutinaria. miro pa les rexes que guarden, o separten la propiedá, alcuérdome de los de seguridá que taben lleendo'l periódicu.
1000 fuelga en francia en defensa del estáu del bienestar. la clase obrera francesa llevantóse contra les medíes neolliberales conducentes a la reducción del estáu del bienestar, pola eliminación del estáu como axente regulador de les relaciones ente persones físiques y xurídiques como bien escribe chomsky. nel estáu español, paradigma de la ignorancia esterior, la población, los y les súbdites del rei suxetu a les decisiones del congresu de los diputaos, vive feliz por tener asistencia sanitaria (anque non odontoloxía los aparatos tienes que los pagar, oculistes les gafes has pagales, psicolóxica...) y una rede d'educación pública subsidiaria y receptora de lo que les empreses privaes ya ilesia nun quieren, salarios que nun se cuerresponden col coste de vida, y eso sí al final una pensión y melicines de baldre, poco más. faennos pensar, y creer, que l'estáu del bienestar llimítase a les atenciones sanitaries y pensiones cuando la idega del estáu del bienestar ye enforma más amplia y desenrollada, como exemplu ta'l de los países nórdicos onde la ciudadanía ta dalcuerdu en pagar más impuestos si ello mantién l'estáu del bienestar que gocen, equí una subida d'impuestos (inclusu nel casu de que se restrinxere a les rentes más altes diba venir acompañada por protestes y sartenes recien estrenaes enfrente les sedes públiques). lo que ta pasando en francia, alemaña, llegará al reinu d'españa, cola diferencia de que n'alemaña y francia la población quedará colo qu'anguaño los españoles tán tan contentísimos de tener y equí reduciráse y volveremos a les mutues empresariales d'asistencia.
1130 sigue faciendo muchísimo friu, toi col xersei y el forru, amás del buff (que coses estes d'emplegar el nome comercial pa nun dicir braga) pa nun me costipar. si tuviere nel institutu yá taríemos de fuelga, como en francia, que ye eso de tar a 12 graos y nun tener calefacción. los polígonos paécense a la estepa soviética, llanures inmenses onde lo único que resalta nel paixase son les naves y onde pues pasar hores ensin ver a naide caminando, y sobre too son frios, muncho. si tuvieremos en clase, dicía, yá tariémos de fuelga y como siempres el director respondería qu'hasta l'un de payares la calefacción nun se pon; l'un de payares amás de ser el día de difuntos ye l'entamu del friu oficial nel reinu d'españa y les calderes de los centros públicos pónense a furrular. la dulda surdía cuando dalguién dicía que qué facíen en teruel o en soria llugares onde'l frio entamaba inda más ceo que nel norte y el director nun sabía que mos retrucar, bono al final marchábemos pal llanes, onde tampoco teníen calefacción y tomábemos un café cuando había perres y veíemos la película del plus hasta la hora de volver pa casa. pero nel institutu seguíen ensin calefacción. hai que dicir que les fuelgues pola falta de calefacción teníen un sofitu democráticu aplastante pero al nun cuntar col sofitu de los piquetes informativos nun teníen l'asistencia correspondiente polo que s'adelantaba materia (relativamente).
1301 un minutu más tarde, pa contentar a la patronal, voi pa casa que yá tengo fame y esto de pensar como que despierta les célules dixestives. de la que toi na moto pienso en porque ovidio y tini nun dicen, nin posiblemente digan nada de la desapaición del estáu del bienestar, y ye que l'estatutu de catalunya ye una cosa que tien que los tener preocupadísimos polo que tan diciendo.
1457 entramos. saco los palés que recoyera pa dir a xintar y siguimos cola xera.
1600 alcuérdome de la que tenía que pasar per dalguna conseyería y tener qu'amuesar el mio documentu oficial d'identidá a un personaxe d'uniforme perteneciente a una empresa privada, esti apuntaba los mios datos nun llibru de visites y depués d'observame déxabame pasar entrugándome si sabía llegar. el gobiernu del principáu d'asturies nun tien cuerpu de policía propiu y poro depende de la seguridá privada pa defender? lo público. nun tengo nada contra los 'securatas' pero que queréis que vos diga, una persona con unes oposiciones y una especialización siempre me va dar más seguridá, y respetu tamién, qu'otra que recibiera la llicencia d'armes en tres minutos. la reducción de la participación del estáu, de la so necesaria intervención, llegaba a llímites estremos cuando dalgún ministru de l'antigua alianza popular, güei partíu popular, proponía que los campamentos militares españoles tuvieren vixilaos por empreses privaes, colo qu'a la fin l'artículu 8 de la ce tendría que dicir que amás les empreses de seguridá privada habrán velar pola vida de los integrantes de les fuerces armaes, bono en fin que un desastre. les cárceles, pa qué son?, d'eeuu, ru, agora portugal tan siendo privatizaes, criterios de mercáu pa alixerar les cargues del estáu, reducciones nes tarées conducentes a la reinserción y esplotación llaboral p'asina sufragar los gastos del encarcelamientu. y ye que les polítiques paecen cada menos polítiques. claro qué si echamos cuentes ye muncho más barato pagar a empreses que depués malpaguen y incumplan los derechos que tener que ser l'estáu quien abone esos gastos polos que toos y toes pagamos.

cuando vuelvo a casa siento que'l pp, antigua ap, va salir a evanxelizar a la población sobre los males que va trayer l'estatutu de catalunya, el xefe del estáu mayor diz que l'exércitu va garantizar la indivisibilidá de la patria, ibarra diciendo que d'estutu asina nada, y yo m'entrugo pa qué votó'l pueblu catalán?

bucles

2005-10-02T18:44:00.000+02:00

posiblemente lo meyor sería que lo llamara bises musicales pero préstame más la pallabra bucle, que deprendiera allá pelos entamos de los 80 de la que taba de moda programar en basic y eses coses que n'aquella dómina taben tan de moda y que dicíen que diben ser la solución pa los nuesos futuros devenires profesionales. d'aquella tou dios tenía un amstrad o un spectrum, tener un msx yera una esperiencia diferente, una máquina compatible con dos, con cartuchos, disqueteres de verdá y eses coses, pero esto nun tien nada que ver cola música.

mañana cuando despierte estaré lejos de aquí, bono a tres quilómetros, y entamaré una sórdida sesión de música comercial na que los temes repítense como l'allu. díxelo más veces que yera d'agredecer sentir música de la que tas trabayando pero por favor ordenadores que controlais los filos músicales cambiái la programación y nun pongais el mesmu cantar cuatro vegaes na mesma hora.
y esto dizlo una persona que agora mesmo en winamp tien una llista de reproducción d'un solu tema que ye'l maggi may de rod stewart y que va pasar sintiéndolu más d'una hora. pero ye como si mos ponemos a escuchar un discu de rock progresivu, thick as a brick por exemplu de jethro tull, y tamos hores y hores escuchándolu, disfrutamos de la música y buscamos significaos.
melendi, que ye un tipo que se pon col xicolate (dizlo elli poro nun toi difamando nin nada que se paeza), tien agora un single nel que diz qu'alcontró la canción y casó cola musa; tamién tien entrevistes onde diz que nunca nun lleera un llibru, y un exdirector d'institutu que diz que perellí nun pasaba, lo que tampoco ye escusa como pa que los productores nun se dean cuenta de que les muses dante la inspiración y nun te puedes casar con elles. pero nun pasa nada porque'l rapaz ye asturianu y fexo hasta un cantar que desplazó, pa siempre?, el poema de pedro garfias (republicanu, exiliáu en méxico) musicáu por victor el nuesu que valía d'apañu pa nun entonar la lletra del asturies patria querida.
fernando alonso premiu príncipe d'asturies de los deportes, letizia preñada y copresidiendo (o será cosoberando) la ceremonia y melendi entonando'l so voi caminando pela vida, sin pausa pero con prisa... o como sea. esti añu nos premios nin bandes de gaites nin osties aldeanes, esti añu queremos a melendi abriendo'l pasu de la comitiva de los príncipe.
faltos de debate políticu en mitá del desiertu del gobi, asturies nun sabe pa onde va, ovidio y tini tan indignadísimos colo del estatutu de catalunya, javier fernandez que nun ye prioriodá lo del estatutu y ¿jesús iglesias? bono yá sabemos como ye izquierda xunida-bloque por asturies...
un abrazu
diba poner la combinación alfabéticu d'un de los singles de melendi pero paez que pol tema de la piratería y los sos derechos nun me dexa atopar nenguna, asina que evitando a dioses enxicolataos meto la lletra de roxanne de the police que si s'alcuentra de baldre y esos sí que son dioses.

Roxanne

Roxanne
you don't have to put on the red light
those days are over
you don't have to sell you body to the night

Roxanne
you don't have to wear that dress tonight
walk the streets for money
you don't care if it's wrong or if it's right

Roxanne
You don't have to put on the red light

I loved you since I knew you
I wouldn't talk down to you
I have to tell you just how I feel
I won't share you with another boy
I know my mind is made up
so put away your makeup
told you once I won't tell you again

It's a bad way
Roxanne
you don't have to put on the red light
Roxanne
you don't have to put on the red light

in memorian

2005-10-01T20:19:00.000+02:00

quincuaxésimu segundu día

2005-10-01T19:40:00.000+02:00

la entrada tardó en ser fecha, windows colgóse. nun quiero más windows.

la páxina de microsoft ye mui rara, tien programes pa que sepa si la to versión del office o windows ye orixinal o non. si nun ye orixinal entiéndese que ye pirata y nun la puedes usar, habrá xente tan estulta como pa usar eses "utilísimes" ferramientes?
el ferreteru nun usa programes de microsoft menos, y per poco tiempo, el sistema operativu tolo demás dende messenger a office ye con programes de llicencia gnu.
la entrada de güei llegará mañana.
besos y lo siento enforma.

quincuaxésimu primer día

2005-09-29T22:35:00.000+02:00

depués de la entrada señardosa y seronda del día 50 de memories d'un ferreteru, que foi ayer, apetezme güei recrear una historia, recuntala, reescribila con demasiada osadía, n'alcordanza d'un compañeru que pasó un mes suañando con una llamada de teléfonu.
0757 entramos, vien siendo norma entrar a esa hora, ta bien porque nun varía los mios vezos. llegó'l coronel col so aíre cansino, faltu ganes a nun ser pola esperanza d'esa llamada que lu recompesara poles sos hazañes pasaes.
0830 fici-y la mesma entruga de siempres, llamáronte? non, pero mañana llámenme. el mio representante ta zarrando'l tratu, toi a puntu marchar.
0930 miraba'l so teléfonu de la que diba perdayuri, errante, ensin norte, nun pasaben tres minutos ensin que buscara la llamada perdía que-y diera la so ansiada llibertá.
1100 falaba de les sos batalles pasaes nes colonies, nes islles, nos campos de 90x45. la falta d'aire del interior del almacén facía que s'afogara y mirara pa la puerta buscando una migayina de sol y d'aire fresco, migayines que nun llegaben y facíen más tensa la espera y más repetitivu'l so cantar.
1200 dicía que yera agobiante y estresante'l so trabayu carga, descarga, enxemes en cuando dalgún glayíu por dalgo mal fecho. aguantar, naguando pola llamada.
1300 salimos. convidelu a un pitu. fumámoslu cola gana avezada depués de cinco hores ensin poder ver siquiera'l fumu d'un cigarru. garrólu con nervios, non sin primero mirar pal movil, que nun tenía llamada.
1500 volvemos. güei nun venía acostáu en coche como facía davezu, venía firme; paecía que'l presentimientu de recibir l'ansiada llamada yera yá certeru y nun sólo una esperanza yá vana.
1600 montaba una máquina, costába-y trabayu, quiciaves pola presión del aire sele y cargáu. volvió cuntanos de los sos goles y de les sos xires, de lo que bien que se vivía na república fía y de les ganes de volver a ser reconocíu.
1630 eses alcordances del pasáu facíen que les nueches a la vera la ría se xuntara cola so muyer a pensar y remembrar aquellos años, nos que yeren más que retornaos, aquellos años nos que yeren consideraos como persones y ciudadanos y non como agora que yeren más ente la masa. tar agora como l'últimu yera dalgo que nun aguantaba, necesitar el sofitu de los compañeros a la hora caminar yera, casi, humillación a la so hestoria.
1730 pasaba la tarde y el teléfonu nun sonaba, la so ilusión desvanecíase, dicía de dir xugar a los naipes o ver dalguna carrera na tele, pero yera too una forma d'engañase, de nun querer ver lo que pasaba, que naide, yá, s'alcordaba d'elli nin de lo que fuera.
1830 taba ensin poder yá movese. costába-y respirar agora más que nunca, nun podía movese, flaqueba como'l perru sarnosu que revolvia ente la basoria cercana.
1900 recibe la orde de dir a dirección
1930 nun llegó la llamada, nunca nun va llegar, polo menos que sepamos. acabó'l mes de preba. yes un gran rapaz pero non lo que tamos necesitando. otra vuelta más a buscar, a esperar esa llamada, esta vegada sentáu yá ensin poder movese, lloñe d'aquelles xornaes imposibles d'aguantar, menos pa dalguién que nun recibía la llamada.
nunca nun va lleer esto, meyor, igual nun-y presta que s'escribiera sobre'l so suañu que ye'l de munchos de nosotros, recibir esa llamada que nunca nun llega.
que valga esta como la cincuenta.

quincuaxésimu día

2005-09-28T20:19:00.000+02:00

0705 llevántome. toi daqué espesu, debió ser la tarde en el paragües, igual la compañía, nun sé pero la cosa ye que me cuesta un poco más qu'otros díes.
0757 entramos, non sin primero echar dos pitinos de la qu'esperábemos a que s'abrieren les puertes; güei'l congresu español taba p'aprebar una llei, de la que yá se falara equí, que tien por obxetivu la prohibición del consumu de tábacu nos centros de trabayau y espacios de consumu d'alcohol (que provoca cirrosis, cancer, alteraciones gravísimes de la conducta, perda de la consciencia, desestructuración familiar...) y que paez nun van prohibir, ente otros sitios.
0900 ayer quisi ver por enésima vez 'eyes wide shut' del anguaño director preferíu, después d'alberto pardo, de mio que ye stanley kubrick, debe ser la tercer vegada que la quiero ver y siempre l'alcuentro entamada y claro si nun ves l'entamu pos nun presta. aun asina y evitando entrar na tema de les sociedaes, más o menos, secretes prestaríame desenvolver un cachín la tema de la fidelidá. a esti mester emplegué tola xornada. cuando tom cruise accede a la mansión la pallabra clave ye fidelio.
1000 autoanalís: negación a mantener una rellación llarga, mieu al rechazu, mieu a mancar, escaezu, tar en dolar, tar en zielu, tar en paragües, tar en posafuelles, nun alcontrar una persona cola que tar enforma a gustu, promiscuidá, lliberalismu, celos, falta de tiempu, falta de ganes de compartir el tiempu, negación de la obligatoriedá.
1100 el pecáu ye de pensamientu, pallabra, obra o omisión. eso dicen.
1115 ganes de quedar con otres persones.
1130 egocentrismu?
1200 si esiste una cosa a la que soi fiel esa ye la de la soltería. igual ye porque nun me quiero amoldar a les rellaciones tradicionalmente establecíes na nuesa civilización, pero si tengo una cosa segura ye que los vínculos afectivos ente dos persones nun han basase esclusivamente na fidelidá o non de la pareya.
1300 salgo, echo un pitu. nun tengo nada claro.
1500 vuelvo.
1600 toi pensando en dexar de comprar el país, nun se debe esta decisión a motivos ideolóxicos sinon sociolóxicos, siéntome a parte de los mios compañeros, nun sé de fútbol nunca me prestó, nun vi sacar temes políticos o d'actualidá polo que pueda pasar, comprar el marca (creo ye'l periódicu más vendíu en estáu español, qué vergoña! depuñes presumen de ser un estáu cultu) puede ser una bona opción anque por motivos de nun pasame colos cambios repentinos prefiero siguir cola mesma llinia editorial y mercar el as.
1700 comento les noticies deportives, bien yá tengo collacinos, sabemos que que a beckham-y presta dir de pantalones cortos cuando ta na nieve esquiando y demás chorraes que si a nun sñe que xugador del madrid páguen-y dos mil millones de pesetes al añu por dir detrás d'un obxetu que se pretende circunferencia, porque entovía nun s'algamó el balón perfectu, y coses asina qu'a mi pos como que me la suden y bien sudaes.
1800 operación ogro, el militante vascu vien un domingu de mercar el pan cuando pasen autobuses llenos de ¿oveyes, babayos? glayando hala madrid, elli piensa si la so llucha pola llibertá tien dalgún valir pa esa xente qu'ante una dictadura nun tenía más preocupación que la de ver al ¿so? equipu de fútbol.
1830 ganó alonso y asturies ta percontenta. el gobiernu del bloque y la fsa, cola participación estelar de paco de asis, recuerda el so gran sofitu al campeón, que paseó la rojigualda (la tricolor ye la de los que perdemos), gabino fae lo mesmo, toos quieren salair na semeya con elli. en catalunya tan negociando l'estatutu d'autonomía que reconoza a catalunya como lo que ye una nación.
1900 sigo pensando en dexar de comprar periódicos y revistes pa bichos raros, igual hasta llego a pensar en que tendría que salir más de los mios diez quilómetros de radiu de vida, conocer otros mundos, otes cultures, nun sé.
1930 cola cabeza dando vueltes. voi a la gasolinera a comprar tabaco y marcho pa casa. una de les coses males de les gasolineres que venden tabaco ye que nun te dexen fumar n'elles.

cuadraxésimu nonu día

2005-09-26T20:15:00.000+02:00

0643 al despertar el ferreteru sintió a silvio rodríguez y pensó que fuere una pena que sigmund nun pudiere conocer a silvio.
0705 entamaba'l día de les llingües, entamaba la selmana, entamaba'l ferreteru a llevantase.

0758 la medía del tiempu ye una pasión de la humanidá y el ferreteru, que primero que fuerza de trabayu, siéntese humanu tien por ella una predilección perespecial. faigo lo de siempre, anque como ye l'entamu selmana intento procurame más en delles zunes que desconocíen el llíquidu elementu.
0900 entamo coles revisiones. nada d'otru mundu, poro entamo a pensar nel día que se tendría que cellebrar güei, nel plurillingüe país de nueso. el gobiernu del bloque y la fsa, cola participación estelar de quico y laura, tará temblando porque pueda apaecer la pita en dalgún de los munchos actos d'homenaxe a esti día que tienen planificaos: Gobiernu Axenda del día

nun sabemos onde podrá tar tini, igual ta de viaxe o negociando con ovidio la reforma del estatutu, onde la llingua asturiana tendrá la consideración de patrimoniu cultural antropolóxicu similar al de les vares del herba. reduciendo competencies, qu'otres comunidaes asumen, nun vaya ser que nun sían quien a negociar de forma afayadiza les tresferencies económiques... dos estadistes.
1200 cerca de salir, alcuérdome d'un single d'un grupu escocés, el títulu yera 'i don't want a lover i just want a friend' sigo teniendo bien claru, y firme, el mio votu de celibatu.
1300 salgo. voi ver la tertulia que ta ana isabel y me presta pola vida.
1345 mari tere a ana isabel: 'que yá sabemos la to opinión sobre'l tema nun mos aburras más'
1500 puntualidá.
1800 en polonia la socialdemocracia queda na nada, la derecha ultralliberal espoxiga a llímites nun conocíos. ye como si nel reinu d'españa en 1982 ganara l'alianza popular de nel fraga y fuerza nueva fuera'l segundu partíu más votáu mete miéu. aun asina la mui católica españa en 1977 votó por mayoría al políticu falanxista adolfo suárez, nun ye mui diferente la cosa. témese pol futuru de la constitución europea, esa que n'españa algamó un sofitu popular desconocíu en nengún otru de los países de la ue, anque n'otros dalgo más avanzaos votóse en contra.
1933 salgo. tres minutos tarde. pa lo que cobro a la hora nun sé si me rentabilizara perder diez minutos en reclamar esi tiempu.
1946 llego a casa. güei sí entamó'l cursu, nun puedo dicir más nada.
espero que los collacios y collacies del bloque nun s'enfaden polo que pongo del gobiernu, anque ye lo que tienen los órganos colexaos.
un besu y que nun vos pase como a los euskadikos.

película o execución

2005-09-25T19:30:00.000+02:00

Scheduled Executions

Scheduled Execution	Link	Last Name	First Name	Race
10/06/2005	Offender Information	Howard	Ronald	Black
10/20/2005	Offender Information	Ramirez	Luis	Hispanic
10/25/2005	Offender Information	Sosa	Pedro	Hispanic
11/02/2005	Offender Information	Elizalde, Jr.	Jaime	Hispanic
11/03/2005	Offender Information	White	Melvin	White
11/08/2005	Offender Information	Dudley	Marion	Black
11/09/2005	Offender Information	Thacker	Charles	White
11/15/2005	Offender Information	Rowell	Robert	White
11/16/2005	Offender Information	Thomas	Shannon	Black
12/07/2005	Offender Information	Ford	Tony	Black
02/15/2006	Offender Information	Smith, Jr.	Clyde	Black

dalgunes vegaes pónenlo pela tele.
http://www.tdcj.state.tx.us/stat/scheduledexecutions.htm

cuadraxésimu octavu día

2005-09-24T11:36:00.000+02:00

siempre me prestaron los vienres como resumidores de la selmana, narradores de lo que se fexo y profetizadores de lo que ta por facer. seguru que son el día más llargu, llevantamonos ceo pa echanos casi a l'alborada o cuando yá alboreció. y un vienres depués de san matéu acabáu en miércoles ye la vuelta a la ciudá pa nós. notase que yá ta a entamar el cursu, siéntense voces n'otres llingües que nun son la d'equí, cares desconocíes (hasta les más interesantes)... y yo que faigo equí estrozando la estructura del blog?
0705 llevántome, güei ye vienres, contentu porque voi tener la fin de selmana pa min y pa naide más. rita como gilda sigue ximielgando la so melena arrasando lo qu'atopa. cuba salvóse como israel se salvara de les agües del mar bermeyu, de milagru; vuelve como baxu atronando cola so frecuencia ensin dexar nada al so pasu.
0800 entré, salgo del vestuariu depués de dexar el forru, el paravientos, el tabaco... y como davezu escaecer los guantes dientro la taquiella.
0900 acabo. entamo con un palé y falo un poco colos compañeros. dícenme que la selmana que vien hai una espicha gremial, yá lo sabía que me lo cuntara cesar, digo que nun voi, piensen que ye porque nun me dexa la moza -nun saben que fixi votu de celibatu- pero ye que los vienres cada quince díes tengo conceyu en paragües con dalgunos amigos y tenemos que siguir colo d'españa... bono que nun voi a la espicha.
1100 saco cartones pa reciclar. el cartón cómprase a 1 céntimu'l quilo (un poco menos porque ye peseta y media) hai xente qu'intenta sobrevivir col cartón, otros y otres intenten sobrevivir cola chatarra y otros rebuscando na basoria; resignación católica? nunca compromisu social siempre pa meyorar la nuesa vida.
1200 reconozo que siempre tuvi, tengo, admiración polos movimientos de la teoloxía de la lliberación, más que polos movimientos poles persones, xesuites, cures obreros, cures guerrilleros, seglares comprometíos, escuela de comisiones y escuela de lo que nun se podía enseñar porque los obispos y militares mandaben callar.
1300 vuelvo. la tertulia de mari tere ta más calmada pese a la presencia de la secretaria de llibertaes civiles del pp que tien de ser un cargu enforma complicáu y díficil porque a ver como se puede dicir que yes secretaria de llibertaes y al tiempu tar presentando una demanda contra la igualdá de derechos ente ciudadanos.
1600 va una hora que volví. tuvi viendo la prensa y polo que paez la fsa yá ta convencida de qu'izquierda xunida-bloque por asturies ta defenestrada y a poco de pedir la entrada en bloque dientro de la casa del pueblu. nun vos llevar la mano a la cabeza, la falta d'autonomía d'ix d'asturies respectu a madrid condiciona tola política de la organización, han figurar, la sociedá tien que los conocer y con esti pactu de gobiernu la sociedá n'asturies ta conociéndolos, y el conociemntu nun ta siendo positivu. ye necesaria l'articulación d'un movimientu d'izquierda asturiana, otros países ficiéronlo, esti país nun puede siguir tando condicionáu a les decisiones que se tomen a quinientos quilómetros, el camaín p'algamar esti movimientu va ser llargu, yá ye llargu, pero habemos siguilu dando pasinos al entamu pa consiguir, a la fin, un grupu que plante cara al desgobiernu y a les falses promeses. asturies nun puede siguir subordinada a los mandatos de madrid, anque vengan suavizaos con mimosín.
1700 dos polígnos industriales silvota y asipo. dos polígonos industriales sin conexón por tren.
1800 una autopista pa baxar al moru y de peaxe.
1900 un aeropuertu sin autopista nin tren.
1930 y que falaba de les inversiones que se faen n'asturies? marcho pa casa que ye vienres y quiero salir pa escaecer la realidá.

Todo este sábado me lo voy a pasar
Privando en mi casa hasta reventar.
Ya estoy harto no quiero salir más
Siempre lo mismo, mierda de ciudad.

En la calle tontos que saludar,
coches zeta, un cacheo en el portal,
chulos de puta teniendo que aguantar
Siempre lo mismo, mierda de ciudad.

No hace falta que nos lo diga nadie,
ya sabemos que es un pataleo gratis
no cambiará nunca esta situación
siempre lo mismo, mierda de canción
kortatu

salú

cuadraxésimu sestu día

2005-09-21T21:50:00.000+02:00

1100 espierto, nun conozo les paredes. pienso n'ónde puedo tar. marcho corriendo. darréu mando sms agradeciendo la posada.
1200 llego a casa, vuelvo pa la cama.
1400 xinta de san matéu.
1900 última copa en topu fartón.
2020 vuelta pa casa.

acabó'l branu, dalgunos dirán que falta santu tomás y otros qu'hasta que nun llegué la o de la molina les fiestes del branu tan ehí. primer branu nel centru en munchos branos. prestóme ver cómo se vive un branu na ciudá que quier ser madrid, a tal puntu que dir en bus o garrar el tren n'agostu ye como dir per la castellana un domingu ensin futbol. el tiempu avanza y casi nin mos damos cuenta, volvemos a la vida avezada, volvemos al trabayu y reentamamos el cursu. la seronda, época más guapa de toles estaciones, llega y con ella de los árbores caen los amigos y amigues que fotosintaren nel branu. yá hai ganes de volver a atopar con ellos y elles, volver a les tertulies de selmana que complementen les de la fin de selmana. volver a facese de nueche a les 17 y nun ver la lluz del sol porque tas encerráu ente cuatro paredes y suxetu a una relación na que paeces un trámite más qu'una persona. la fábrica ye de so pero nuesu ye'l poder.
entama a facer muncho frio en polígonu, munchísimo, peles mañanes más paezo alpinista n'urriellu que ferreteru en polígonu, y acaba d'entamar...
toi viendo aquí no hay quien viva frase: "-por qué no llamas a rosa -está en oviedo negociando un despido colectivo." nun podía ser otru llugar, sólo la marchita vetusta podía ser.
vetusta la que regala colexos a colexos pa que construyan, vetusta la ciudá onde les piedres vieyes marchen pa coxersa, vetusta la ciudá d'escaparate, vetusta la ciudá que se desfexo asina mesma pa ser decoráu de nenguna película.

un artículu de pablo prieto

2005-09-21T20:57:00.000+02:00

la entrada de güei ye un artículu del mio gran amigu, y conseyeru pablo prieto, pablo'l de rosa la d'urbiés. prieto trabaya na oficina del defensor del mozu y la moza del conseyu de la mocedá d'asturies (lo del principáu vamos obvialo como bonos republicanos que somos), representante de la plataforma xuvenil del valle, y munchísimes coses más que nun-y presta que se cuenten, porque ponse colloráu. el llabor de pablo tien de ser un exemplu a siguir pola mocedá asturiana: participación y compromisu social.
salú

gracies pablo

EDITORIAL PRENSA ASTURIANA

Director: Isidoro Nicieza

CUENCAS Miércoles, 21 de septiembre de 2005

Alderique
Blogs

PABLO PRIETO

Hace cinco años no llegaban al centenar y ahora hay cuatro millones. Son una auténtica plaga cibernética. Estos modernos cuadernos de bitácora constituyen un auténtico universo multicolor, un paraíso de diversidad y libertad de expresión en el que encuentras de todo, desde auténticos manantiales de creatividad e imaginación hasta novedosas formas de tortura y aburrimiento global. Los hay brillantes e ingeniosos, capaces de aprovechar la cuestión más insignificante para contar historias realmente sugestivas, pero también hay auténticas chifladuras infumables.

Internet facilita la democratización de la comunicación. La Red nos permite conocer cualquier cosa, desde la última investigación científica sobre las protuberancias de hielo que sobresalen de los cráteres del satélite Calisto (una de las lunas de Júpiter) hasta el envidiable, original e intensivo programa de fiestas de Brañella (La Güeria Carrocera, SMRA). Hemos pasado la fiebre de las webs más o menos colectivas para dar paso a la exaltación de lo personal. Cualquiera puede colgar su propio blog para contar a los cuatro vientos lo que le ocurrió a lo largo de la jornada, lo que le hubiera gustado que ocurriera o lo que jamás imaginó que pudiera llegar a ocurrir. Aunque también son un espacio ideal para reflexionar, sugerir, opinar, ensayar o criticar con total libertad e independencia.

Hace tiempo descubrí algunos que visito de vez en cuando. Uno de ellos es "memories d'un ferreteru", escrito en una lengua que no existe. Es una personal e intransferible crónica de las pequeñas cosas que ocurren a diario y cuya importancia es mayor de la que aparenta. Su columna vertebral es la monótona jornada laboral, presta especial atención por la actualidad asturiana y lo somete todo a la visión del particular microscopio de su autor. El otro es "animal_hadas", diario de la vida (y obra) de un joven universitario, proto-urbano y acérrimo seguidor de Aute. Sus anécdotas diarias son la excusa perfecta para más de una profunda (o superficial, depende el caso) reflexión casi siempre bien aderezada.

Los blogs son una interesante vía de escape, un nuevo instrumento para combatir el aislamiento de nuestra sociedad. Lo que antes sólo podía aspirar a ocupar espacio en un folio para acabar en el fondo de la papelera o víctima de un incendio controlado en el cenicero ahora se puede leer en todo el planeta.

quiero una casina

2005-09-19T21:19:00.000+02:00

nun quiero nin un palaciu, nin una casona, nin un xalé, nin un adosáu, tampoco un pisu de noventa metros nin un apartamentu de 60, non yo con espaciu habitable de 30 o 25 metros tengo abondo. ente los mios planes de futuru, y de vida, nun s'alcuentra en nengún puntu convivir con una hipotética, quien sabe si previsible pareya, nun tando contemplada esta opción la mio necesidá d'habitabilidá reduzse nun 50%. va unos años vi una película de monica laguna que se llamaba, y se llama, "tengo una casa" ernesto alterio, silke, nancho novo... nuna road movie que falaba d'un antiguu llocutor de radio que tenía un cabaña nuna biesca perdía de nafarroa. tiempu depués supi qu'esa casa de la que m'enamorara nun esistía y yera sólo un plató de cine.

pensando no que tendría que tener la mio casina la llista sería la siguiente: sala qu'axuntara la zona de tar, cocina y dormitoriu, bañu separáu con platu de ducha, cocina con microondes y fueu d'inducción, y nevera (calienta más rápidu), fregaderu, calefacción per enerxía solar, un ordenador, proyector de video, cobertura pal movil, un armariu pa la ropa y una llavadora y espaciu abondo pa estanteríes onde poner los llibros, una chimenea pal iviernu. nun me paez que sía muncho, incluso hai coses que son suprimibles nesa llista.
lo meyor de too ye qu'en venicinco metros cuadraos pueden tar toles coses que dixi, cuntando col sofá cama por supuestu, ye posible y ye real.
la necesidá personal, y colectiva, de cuntar con un espaciu propiu ye a vegaes tan fondera y fuerte que la incapacidá de culminar la mésma provoca situaciones d'alteración de la conducta. la nuestra xeneración condergada a vivir peor que l'anterior xeneración, vese inxerta nun camín, nuna vía, ensin retornu, nunca enantes les edaes d'emancipación xuvenil fueron tan altes, nunca enantes nengún mamíferu pasara más d'un terciu de la so vida dependiendo de los sos proxenitores o familiares. ayer en el pais un reportaxe falaba sobre lo que tenemos que pasar los y les moces nesti estáu pa poder vivir independientemente, sueldos míseros y horarios propios de taiwan o hong kong, la connivencia de les autoridaes clara, como yá se dixo equí milenta vegaes, evitando entrar a nun ser que los casos sean sangrantes. impuestos indirectos pa nun grabar a les rentes más altes mediante los directos, y tienen la cara de llamalu estáu del bientar.

memories d'un ferreteru rechaza les acciones que la xusticia española ta imputando-y a fer. memories d'un ferreteru pide pa fer un xuiciu xustu onde la presunción d'inocencia prime perenriba de cualesquier otra presunción. memories d'un ferreteru rechaza la utilización de la violencia con fines políticos en cualquiera de les sos modalidaes. memories d'un ferreteru defende la llibertá de los pueblos a ddecidir el so futuru en llibertá

cuadraxésimu quintu día

2005-09-17T17:27:00.000+02:00

0650 siento la radio, noticies d'asturies. el soma manifiéstase delante la sé de la presidencia del "gobiernu" asturianu que ye como cuando'l bloque por asturies entama o manifiesta opiniones diferentes a les del gobiernu al que pertenecen, cola sutil diferencia de que'l soma tien poder y faen-yos casu (sinon dalgún mantu puede cayer enriba dalguién).en fin coes que sólo se pueden dar n'asturies y que conformen parte de la nuesa identidá nacional, anque al gobiernu-y cueste creyer que tenemos una identidá nacional enforma desarrollada.

0720 vuelvo a sentir el mesmu parte de noticies. pel medio sal lo de que junior tuvo ganes de dir al bañu en metá de clas y pidió-y permisu a la mayestra pa dir; hai que venir cagáu y mexáu de casa mos dicíen, n'aquelles escueles con semeyes del rei y de la virxe.
0756 entramos.
1300 salimos.
1500 entramos.
1930 salimos.
2028 subo al tren.
2034 llego a uviéu. san mateo's nights.
2100 pal paragües.
2200 pal conciertu.
2300 pa chiringuitos (topu, pinón, rincón...)
0000 posafuelles.
0100 paragües.
0130 pinón. ana atendiendo, la verdá ye que la moza tenía la so gracia detrás de la barra. electro y el que yá nun escribe esperando poles muyeres que diben llegar cuando yá nun tuviere.
0200 posafuelles.
0300 casa.
0750 llevantase.
pel medio hebo más chigres y chiringuitos de los que facer mención sería enforma llarga y delataría enforma los mios movimientos, poro y por motivos de seguranza personal prefiero mantenelos en secretu.
hai dos díes entamé una conversación, quiciaves una partida d'axedrez de les llargues, col mio collaciu fernando sobre'l conceptu "españa, qué ye?" según vayamos avanzando na tema dirémos informando.

cuadraxésimu cuartu día

2005-09-14T22:10:00.000+02:00

abrió bush l'asamblea xeneral de les naciones uníes. él que tanto les defende y que tanto casu-yos fai. nun podía ser el presidente, o xefe d'estáu, de siria o corea del norte, tampoco'l canciller shroeder (escribiráse asina?) nin chirac, nin rodríguez, non tuvo que ser elli. que la sé de la organización tea en nueva york nun ye escusa pa qu'una persona que repudia'l cumplimientu de los ddhh entamé esa reunión.
0800 abrióse la ferretería, equí nun hai cientosesenta pa escoyer. fici lo de siempre, nada nuevo. monotnía. nun hai nin mosques, anque apaezen muertes peles mañanes.
1100 entamó colos palés que yá nun me dicen res. fisicamente toi na ferretería, mentalmente toi fuera. evito pensar no qu'hai dientro, dientro lo posible y evitando que la concentración nun marche tanto como pa que nun m'entere de lo que toi faciendo y pa que nun s'enteren de que la mio mente sigue llibre.
1200 pienso en fernando, el mozu asturianu que sigue en prisión, acusáu pola llei antiterrorista, dende'l sábadu ensin cargos ya incomunicáu. mañana a les 1900 na plaza'l parchís de xixón hai un concentración pa demandar la so inmediata lliberación. pienso n'aquellos díes cuando díbemos al albergue covadonga del natahoyo y teníemos que salir corriendo de la policía, pienso nos xueves de llucha en natahoyo y nos comités de sofitu a les fuelgues mineres, y nun quiero perder esi norte de llibertá. de xuru que trevín tamién presume de cuando elli corría delantre los grises y demás histories de la reforma, poco s'alcuerda paez agora d'aquella. güei elli defende al facismu.
1300 salgo, hai que xintar, primero fumar.
1500 vuelvo, yá xinté.
1600 pienso en carlos davila y la so irredenta posición a perder el pan de cada día, que diba ser d'elli ensin eta. opónense a cualesquier diálogu que conduza a la solución política del conflictu vascu, quieren que pensemos que sólo se trata d'asesinos, de presos comunes, esconden el fondu del problema porque nun-yos interesa dalu a conocer. en plenu sieglu xxi siguir defendiendo la unidá de los estaos contra, o desconociendo como ye'l casu, la voluntá de los ciudadanos y ciudadanes que los habiten ye un atentáu a la carta de la onu a la que mos referíamos primero.
1800 si hai que negociar habrá que dar los pasos afayadizos pa conseguir esa paz. toles idegues son aptes pal diálogu, de nada nun mos sirven aquelles posiciones inmovilistes y que solo busquen perpetuar la situación ensin da-y una solución definitiva.
1900 vienres 9, una moza n'uviéu ye marcada con una esbastica na cara. la moza ye militante de les juventudes comunistas. ellos usen estética skin head. avanzamos o retrocedemos. dende equí un saludu y un abrazu a los y les camaraes comunistes.
2000 llego a casa. yá tengo la banda sonora del acorazado potenkim de los pet shop boys, por fin voi poder vela con soníu. tamién la banda sonora d'odisea nel espaciu, marcho pa la fnac a mercar la película. época kubric, momentos pa ver les filmografíes de directores clásicos, llegará tamién la época kuroshawa y la de tantos otros. ye verdá, la selmana pasada rompiendo con una tradición non escrita fui ver princesas de fernando león prestóme. enantes solo diba al cine a ver películes de ken loach, evoluciono, quiciavis anque'l cine de fernando león paezse enforma al de ken loach.
2200 ceno y sigo lleendo. la verdá ye qu'esta entrada, anque con lletra, ye más rara que la d'ayer.
mañana, espero, más inspiración.

cuadraxésimu tercer día

2005-09-13T21:36:00.000+02:00

pie de ferreteru

cuadraxésimu segundu día

2005-09-12T20:43:00.000+02:00

0755 entramos. pasos llentos depués d'entamar san matéu y cellebrar la fiesta de la virxe de la salú de carreña.

0900 yá barrí y pasé la maquina. pienso en si echar un pitu hasta alcordame de que toi trabayando nun espaciu aú les reformes llegales adelántanse al tiempu pa tar preparaos y ser los primeros en poneles en marcha. yo engañáu coles nueve hores y media diaries ensin dame cuenta de que la mio realidá d'anguaño va ser la realidá de la mayoría mañana. na que soi un afortunáu y poro doi gracies cada día.
1000 el día de la salú en carreña ye una vuelta a otros tiempos. la clas sacerdotal escoltada pol exércitu, mientres la clas política síguelos de cerca. tricornios y guantes blancos escoltando a la madre del que rechazaba l'usu de les armes, anque non de la pallabra, pa lluchar escontra l'enemigu. depués sesión vermouth y a xintar. nun puedo cuntar muncho más, a nun ser ciertu comentariu sobre'l sufrimientu de xesús el de nazaret tan bien amuesáu na pasión de mel gibson, pelicula yá mítica del xéneru gore na que posiblemente, de tar enantes fecha, amenabar alcontrara la inspiración pa facer la so película tesis. y ye qu'hai coses que nunca nun cambien, dicen que non a los derechos de les pareyes, y de les persones homosexuales, y depués almiren el sadomasoquismu y lleguen a ponelu d'exemplu d'abnegación. ta claro si dalguna vez tengo fios a clas de relixón católica nun van dir.
1200 llevo tola mañana colocando coses, ye una actividá enforma entrenía. mires per tolos llaos pa ver lo qu'hai y les diferencies ente les diferentes clases de material, a primer vista ximielgu, y la verdá ye que ye llevaderu.
1300 salgo a xintar. primero echo un pitu, llueu arranco la moto y pa casa que yá hai fame.
1500 vuelvo a la xera. sigo colos torniellos de pela mañana y faise la cosa ya eterna. nel maxín tengo la voz de joan baez cantando 'oh freedom'. la música del local sigue siendo inaguantable, casi tanto como ver ayer en 'el país' la nueva manifestación de la derecha española reclamando agua pal whisky, quien non lo crea que mire la edición del domingu 11 de septiembre. la derecha nunca nun entendio lo que ye'l derechu de manifestación, pa ellos, que tienen privilexos, dir de manifestación ye como dir al golf o a xugar al paddle un actu social onde amuesar les botes de roma o l'abrigu de visón (paezme que s'escribe asina). los que nun tuvieron tantos privilexos son los doce o catorce militantes de la izquierda democratica que fueron deteníos, por orde del delegáu del gobiernu español n'asturies, esti sábadu en cangues depués de que la policía militar española protexera una manifestación de carácter claramente anticonstiucional y col únicu fin de provocar incidentes.

1600 depués de la reflexón sobre'l día d'ayer entamo alcuérdome del 11s, cuando en 1973 militares chilenos, apoyaos polos estaos xuníos d'américa, dieren entamu a una de les más crueles dictadures conocíes pola humanidá. miles de muertos. un sueñu de facer un país llibre y avanzáu muertu poles bales. un presidente que se niega a abandonar el so país y la so residencia. muertos na mar, muertos nes cunetes, muertos y violacones nos estadios. voces que s'acallen, o eso creíen. a los años volvió sentise'l cantar de la igualdá, foi cuando morriera'l poeta. güei al igual que dalgún ministru fascista español se pasea impune y hasta va poco ostentaba llabores de gobiernu nuna rexón española, el dictador de chile sigue paseando tranquilu.

se nota, se siente, allende está presente.

Me gustas cuando callas porque estás como ausente,
y me oyes desde lejos, y mi voz no te toca.
Parece que los ojos se te hubieran volado
y parece que un beso te cerrara la boca.
.
Como todas las cosas están llenas de mi alma
emerges de las cosas, llena del alma mía.
Mariposa de sueño, te pareces a mi alma,
y te pareces a la palabra melancolía.
.
Me gustas cuando callas y estás como distante.
Y estás como quejándote, mariposa en arrullo.
Y me oyes desde lejos, y mi voz no te alcanza:
Déjame que me calle con el silencio tuyo.
.
Déjame que te hable también con tu silencio
claro como una lámpara, simple como un anillo.
Eres como la noche, callada y constelada.
Tu silencio es de estrella, tan lejano y sencillo.
.
Me gustas cuando callas porque estás como ausente.
Distante y dolorosa como si hubieras muerto.
Una palabra entonces, una sonrisa bastan.
Y estoy alegre, alegre de que no sea cierto.

cuadraxésimu primer día

2005-09-06T20:26:00.000+02:00

dicen que va llover y nun s'equivoquen. el ferreteru ignorante de l'adversidá climatolóxica garró'l so vehículu y coló pal trabayu como fae davezu. la verdá ye que si bien nun ye'l primer día, del branu motorizáu, que ta lloviendo, sí ye'l primer día nel que ta lloviendo abondo. pero a lo que vamos que marchamos pal asturianu conceyu de babia con facilidá tala que cuando mos damos cuenta yá tamos pela pola somiedu.

0758 entramos na ferretería. faigo lo de siempres.
0900 acabo de facer lo de siempre agora llega la ilusión de tolos díes, ver que palé hai que revisar. dicen que nesti trabayu nun hai emociones, pero la posibilidá de que te toque un palé interesante ye casi igual a la de que subas a un avión esti añu y caiga.
1000 nun hebo suertey el palé yera enforma aburríu, casi como llegar a ranón y tar esperando 24 hores pa que salga l'avión pa londres, neses hores quedes pensando y maldiciendo en porqué nun garrasti un billete dende santander o bilbo (con munches más conexones y más baratu que dende ranón). equí nun queremos entender que con estes estratexes polítiques el gobiernu del bloque por asturies y la federación socialista asturiana cola collaboración d'izquierda xunida tienen por obxetivu frenar la emigración xuvenil del país. la ecuación ye clara, cuantos menos vuelos menos posibilidaes de colar; cuanto más caros sían los vuelos menos la semeya ye del diariu el comercio posibilidaes de qu'un/a mozu/a asturianu/a pueda pillar l'avión y asina esmolecíu'l mozu marcha pa los ozcos a presentase a la plaza d'informador xuvenil que ye lo que a ana rosa-y presta.
1300 llego a casa y otru aparatu volador que cae. esti añu ye una cosa rara, tantos sucesos anormales nun lapsus tan curtiu de tiempu ye dalgo que na edá media provocaría miles de sectes milenaristes pero que nesta avanzada y racionalista sociedá d'anguaño solo provoca subíes o baxaes porcentuales nel parqué bursatil. terremotos, l.lunamis, huracanes... guerres (casi toes elles con un denominador común que se llama neolliberalismu), fames, sede que faen posible que nuna selmana'l preciu del combustible suba un 6%. próximos a una nueva crisis económica les bolses viven momentos de gloria y esplendor gracies a los baxos tipos d'interés, y a la falsa creencia de la superación de la clase proletaria, que permiten a millones d'obreros y obreres convertise en pseudo propietarios de les grandes compañíes, anque siempre lloñe de los centros de decisión y del repartu real de beneficios. la quiebra del estáu del bienestar européu, n'aquellos estaos onde se produxo de forma real, suma otra complicación a esta futura, hipotética, crisis; la destrucción del estáu por parte de les polítiques neolliberales podríen facer posible, parafraseando otra vuelta al comandante guevara, non un nin dos nueva orleans sinon miles de ciudaes y sociedaes sumíes na anarquía y onde la llei y l'estáu nun esistan más allá de la propia voluntá de les persones, qu'ante la desapaición del estáu dexaríen de tener la condición de ciudadanos y ciudadanes.

1930 depués de tanta reflexón paezme que lo meyor ye dir pa casa a lleer y escribir un cachu.

ferreteru reflexonando

cuadraxésimu día

2005-09-05T20:17:00.000+02:00

queda poco pa que'l gobiernu asturianu cellebre'l día de covadonga. vamos ver como'l xefe del gobiernu d'una sociedá presuntamente aconfesional y llaica s'arrodilla ante una figura católica y el representante del estáu vaticanu n'asturies.

llueu van dir a pravia a sentir a victor y ana, tamién a los tejedor. van dicinos lo bien que va'l país y vamos creyelos, van siguir diciendo que la mocedá ta perbién n'asturies y que los problemes estructurales de la nuesa sociedá nun son más que reflexos de lo que ta pasando n'otros sitios del planeta. tortilla, güevos cocíos, empanada, xamón, vino, un culete pa disimular, monteres picones de papel y chalecos de plástico pa facese los asturianos.
y al día siguiente a siguir viviendo, a siguir faciendo creyer que lo tan faciendo bien.

memories d'un ferreteru nun tien nenguna vinculación con esta tortiella española.

2005-09-03T19:09:00.000+02:00

cuando vi la última entrada callóseme l'alma al suelu.

pa encima de comunista, analfabetu.

ver pa creer

;)

1825 o 625pm

2005-09-03T18:24:00.000+02:00

semeyes

trixesimu nonu día

2005-09-03T15:44:00.000+02:00

0840 paro na gasolinera pa mercar el país. entro na cafetería, pido un café cola lleche ensin calentar, tómolu; écho-y un güeyu al periódicu de la que fumo un pitu.
0900 entro, voi buscar a josefina depués de saludar a maria antonieta. paseamos llargo.
1145 garro a maria antonieta y echamos un baille.
1300 tamos acabando.
1330 salgo. esta selmana 52 hores, quexámosmos por viciu.

el gobiernu del psoe quier que la sanidá tea financiada polos impuestos indirectos, diz que los gobiernos d'izquierdes sofiten la sanidá público y universal. nun diz que los gobiernos de la izquierda tamién defenden y sofiten la progresividá de la recaudación d'impuestos, non a los impuestos indirectos.
la solución pa la minería asturiana va venir del co2, si ya yeremos un país productor de co2, clásicu del sieglu xix, agora quieren convertinos nun vertederu. asturies paraísu natural. asturies fedor artificial. y ye que si la visión de futuru, de los representantes del pueblu asturianu, consiste en que siamos el vertederu de les emisiones que naide, n'europa, nun quier entos podemos dir faciendo la mochila y dir colando pal pirinéu..

trixesimu octavu día

2005-09-02T21:23:00.000+02:00

0746 como davezu entro na gasolinera pol agua y el periódicu; casi tolos díes merco el país, sé que ye una cosa rara nun país onde la prensa deportiva ye la más vendía pero un tien les sos maníes y ente elles ta la de lleer la prensa política con un o dos díes de retrasu, qu'esa sí se ye una manía enforma anormal pero como dicen en le monde diplomatique 'una vez al mes le damos la vuelta al mundo'. la semeya de la portada yera, cómo non la de nueva orleans, otra vuelta más...
1100 cómo se puede esplicar que l'estáu, consideráu por munchos la panacea de la llibertá y los derechos (estos en teoría y si les enmiendes nun los nieguen), que más dinero aporta pal desenvolvimientu armamentísticu sía, proporcionalmente, de los que menos aporten al so sistema educativu, sanitariu, de pensiones... cómo ye esplicable que dalgunos y dalgunes ciudadanes europees quieran optar pol american way of life de les cases de planches de marquetería envede l'estáu del bienestar européu de les cases de lladriyu y formigón, cómo se puede envidiar a esi estáu onde l'asistencia sanitaria ye un privilexu y non un derechu, cola salvedá de la primer atención por supuestu, cómo envidiar a un país onde la biblia, en dalgunos estaos, sigue siendo non un dogma de fe sinon un dogma científicu, cómo envidiar a un país que vota por una persona que llee los llibros del reves (n'esto podría atopase una cualidá). pienso n'ello y creo que tanta publicidá piesllanos la visión de la realidá.
1600 tiroteos, suicidios, fame, deshidratación, peste, saqueos... nun ye nengún país africanu non ye l'américa de los estaos xuníos.
1800 podríemos considerar a matt groening como un profeta de la nuesa época? atendiendo a los criterios pedagóxicos de dellos estaos de los usa podríemos afirmar en sin nengún rubor que sí. revisái dellos capítulos de the simpsons y vais ver milenta similitues.
1930 mañana voi sacar a baillar a maria antonieta. ayer foi'l cumpleaños de tom hanks, angel dixit.

trixesimu séptimu día

2005-08-31T21:33:00.000+02:00

0730 depués de duchame pusi la cnn pa ver como taba nueva orleans, la nueva atlántida. miles de persones salíen de los comercios depués del saquéu, ironíes del sueñu americanu del 'american way of life'. la movilización xeneral de la población, l'abandonu de tolo que se tenía pa poder siguir viviendo, l'agua cubriéndolo too. la ciudá muerta.
0800 entramos y nun se me quiten les imáxenes, sigo con elles, ye normal. siempre dixi que teníemos la suerte, relativa, de vivir nuna dómina perimportante y na que los fechos asoceden tan rápido que casi nun somos a los interpretar, lo mesmo qu'entovía seguimos estudiando a platón o a sócrates y viendo'l xeniu políticu de julio cesar o marco aurelio. vivir en directu l'anexón por parte la mar d'una ciudá ye un espectáculo que poques xeneraciones pueden ver, supera a la posibilidá de ver al cometa halley con muncho. tamos robando-y la vida a la tierra y mos devuelve los golpes.
1100 sigo trabayando. otra vez el llibru. otra vez noe. otra vez esi barcu qu'atraca nel cai del monte.
1300 sube la gasolina dicen que por catrina, qu'asina se llama. lleno'l depósitu, euro con noventa y tres ensin llegar a los dos llitros. pero la cosa ye que'l combustible fosil ta acabándose. el national geographic d'estos dos meses pasaos, lleva asina un bon númberu d'ediciones falando sobre l'impactu de la humanidá nel clima, referíase con dellos artículos tanto a la necesidá d'entamar a facilitar la demanda d'enerxíes renovables asina como a la medra de les posibilidaes de l'apaición d'huracanes, tornaos, l·lunamis por mor de les actuaciones contaminantes del norte industrializáu.
1500 vuelvo.
1600 800 muertos al pasar una ponte, iraq. 'hai que crear un, dos, tres vietnams' dicía'l comandante che guevara, iraq ye un nuevu vietnam, afganistán bien podría ser otru.
1800 la medra de l'acuicultura nel sudeste asiáticu intervino de forma perimportante nel tsunami, le monde diplomatique de xunetu (o agostu). enantes había una barrera d'arrozales ente la mar y los pueblos, güei los pueblos tan a la vera la mar. el fmi vendió-yos la necesidá d'avanzar nos cultivos. resultáu a la vista.
1930 salgo. miro pal cielu ta claro, tranquilidá. tamos nel güeyu del huracán onde la paz ye aparente.

trixesimu sestu día

2005-08-28T17:15:00.000+02:00

ye domingu. n'arenas tan cellebrando'l certame del quesu cabrales, esti que ye un branu de novedaes nun toi, nun ye que lo eche en falta, porque como ye persabío nun me presta'l quesu cabrales, pero si ye dalgo a lo que siempre prestaba dir, más nada que pola folixa.

llevantéme ceo pa dir a falar de la llingua asturiana a los y les moces que tan nel intercambiu qu'entamara'l conseyu de la mocedá d'uviéu. la nueche del sábadu foi mui mala, un conciertu de heavy contra casa ye dalgo insufrible; anque como solo fue por una nueche ye pasable.
yo de la que la xente taba en conciertu quedéme en casa viendo el resplandor de kubrick, que ye perguapa; y depués como quien nun quier la cosa en la dos pusieron pauline en la playa que ye una película xenial y amás en versión orixinal. la cosa ye qu'eses películes pónenles a les 3 de la mañana y hai qu'esperar viendo la teletienda y los anuncios del abdominazer del carayu y la multifunción pal llar que bate, mece, aspira, frega, llava la ropa y llama al mélicu cuando te pones malu, vamos que si se lleguen a esforzar un poco más incluyen un accesoriu vibrador y otru succionador pa cuando nun tea la pareya, too por 99,5€ y si llames ente los venti primeros lléveste otra pol mesmu preciu. depués tan los anuncios de les llinies y xats eróticos, los sistemes de mensaxes piquininos (ssp) col númberu de teléfonu siempre son d'homes y los que nun tienen teléfono, nun sé porque anque paezme que creo sabelo, son de muyeres sobre too en grupu, amás de los mensaxes hai películes como ulises, claro quien va pensar qu'envede ser la odisea d'homera van poner el viaxe de la celula mediada masculina a la gueta la célula mediada femenina polos diferentes furacos del cuerpu canso y pásome pa popular tv onde tan lleendo'l cantar de los cantares 'corramos! méteme en to cuartu, disfruemos xuntos y gocemos!' o 'los tos llabios destilen miel virxe, debaxo la llingua de to escondes miel y lleche. el mio amáu metió la mano pel furacu la pesllera, y les mios entrañes estremeciéronse' bono too erotismu y tradición asina que decido pasar al nickelodeon, que ye una canal infantil, qu'a eses hores solo pon que teas sollerte porque a partir de les 6 de la mañana van entamar la programación otra vuelta.
en fin eché de menos nun tar de folixa.
y mañana a trabayar.

trixesimu quintu día

2005-08-27T14:11:00.000+02:00

yá queda poco pa qu'entame la lliga de fútbol, la copa del rei, pa qu'hora 25 entame la so intermitencia programacional, yá tamos entamando otru cursu políticu; quiciaves meyor cursu deportivu. depués de ver a gaspar votando col pp, que nun pasa nada nin ye tan grave, col puñu n'altu fernando alonso dispónse, too paez que ye positivu, a ganar el campeonatu del mundu de formula 1, cosa insolita cuando nesti país la visión de la clase dirixente nun va más allá de los circuitos de 'carts', melendi seguirá poniéndose col xicolate y aturullando a la xente normal y leti parirá a pelayín o a covadonga, o quien sabe igual tien ximielgos y d'una tirada algama la parexina. equí van piesllar les mines que queden, que yá nun son munches, pero van facenos munchos museos, a ver pa cuando monten un muséu de los horrores políticos de la fsa y del atrasu al que los sos años de priismu tan llevando asturies. easyjet reduz el númberu de conexones con londres y se piensa si ye rentable conexonar con otros aeropuertos, ryanair ta mui contenta en compostela y santander y que d'eso de venir p'asturies que naranxes de la xina, que bien que lo pasara la representación asturiana allá.
el plenu del ayuntamientu cabraliegu apreba, per unanimidá, la venta del edificiu de la guardia civil pa contruyir otra casa cuartel. en cabrales nun esiste la vivienda protexida. la xente marcha de cabrales. cabrales ye de los conceyos más probes, o con más diferencies económiques d'asturies, un pisu de dos habitaciones vien a valir unos 3400000 duros, más l'¡va y demás coses, y eso ye una auténtica estafa, poro la solución ye emigrar. pero a los picoletos va faceyos l'ayuntamientu una casa pa que tean contentinos.
l'electropedagogo l'otru día, polo que cunta, déxome tiráu en posafuelles elli perdiólo que nun conoció a una moza mui prestosa a la que dende esi día busco peles cais d'uviéu ensin suerte. estoupo

diz que va dexar d'escribir el so blog y yo nun quiero que dexe d'escribir. ta orbayando y como son casi les 15 paezme que yá va siendo hora de llevantase.

yá pasa d'orbayu

trixésimu cuartu día

2005-08-25T21:55:00.000+02:00

0757 entramos. nada nuevo. nun llueve, pel momentu.
0915 acabo llimpiar. la fería de la mano vuelve abríse, cúrome.
0930 cuando la xente tien funciones de mandu, pa les que nun ta capacitada, asimila el modelu facista de la orde; la so voz, tormentu del silenciu, tórnase tormenta y los oyíos, sentíu más importante de los que tenemos, entamen a carecer. estes selmanes tengo sofrir les voces del facismu, les voces de la ignorancia. imitadores de benito, adolfo y paquito (pacón yera'l primu, más altu). ye triste ver que piensen que'l so poder vien de la so capacidá cuando la so capacidá vien de la fuerza de la so voz.
1200 pasa la mañana cuando otra de les voces del facismu s'avera a min pa decime que'l mio tic llingüísticu de dicir davezu 'e' molesta. respondí que depués de ventisite años aquel rasgu diba seguir conmigo y nun taba dimpuestu a renunciar a esi rasgu de mio que supón una forma de diferenciación respectu al restu de la xente, amás de valir pa que l'interlocutor repita lo que me ta diciendo y pueda pasar del 'stand by' al 'ready' darréu.
1300 salgo. llueve. la pata de la moto rompe. voi al taller. igüenla. llego a casa.
1500 vuelvo. pasa la tarde. 'esta lloviendo hoy, el cielo está gris. llueve un día sí y yo no puedo salir.'
1930 salgo. una de les coses a les qu'obliguen estos trabayos ye a tener que cambiar de peluqueru depués de ventidos años, nun me presta. si yá la cosa de dir a la peluquería supón un esfuerzu enforma tediosu pa min, dexar que xuegue cola navaya en cuellu un completu/a desconocíu/a ye dalgo que cuanto menos tien una semeyanza cola apuesta de la ruleta rusa.
2015 entro na antigua rede troskista de divulgación cultural francesa a mercar 'the shining'. preparo una fin de selmana en casa, aprovechando la posibilidá del insomniu na nueche del vienres y del sábadu.

trixésimu tercer día

2005-08-22T20:05:00.000+02:00

0705 otra selmana más qu'entama. ta frio y dicen que pel día va facer calor. el cielu ta con abondes llugues ente'l nubláu de la mañana del aria central del país. alonso quedó segundu; melendi, que nun llee, enteróse pela tele.
0756 ábrense les puertes del limbo, llugar desapaecíu demientres el pontificáu de carol voytila y que nun tenía base teolóxica pa esistir, onde les ánimes de los non bautizaos han vagar la so esistencia, lloñe de los bienes del paraísu y de los mundanos placeres del ifiernu.
0910 acabo facer lo que faigo toles mañanes. entamo a colocar delles coses que quedaren del vienres pendientes, faise rápidu y llevaderu. pienso nel día d'ayer cuando lleía o relleía artículos de prensa guardaos dende xunu y que taben esperando pola so llectura. artículos que falaben de la construcción europea, del retrocesu de los derechos y servicios a los y les trabayadores, de los recortes que sofren les persones que nun tienen un puestu de trabayu por mor de les economíes del neollibrecambismu que s'impón a la lóxica humana. un panorama desolador que mos fae pensar y vindicar n'otra asturies, n'otra europa, n'otru mundu posibles.
1100 llega'l limbo. nada que facer. too fecho. llegó maria antonieta, sácola a baillar 'libiamo, ne lieti calici' suaño cola voz de maria callas. siéntome un traidor pa maria antonieta, toi ballando con ella, pero pensando que nun ella, y ella nun cambió. prollóngase la danza cuando desecute corténme la música, el suañu, he dir colocar coses.
1300 salgo, non sin primero danzar otra vegada más.
1500 vuelvo.
1600 hai coses positives del filu musical, por exemplu que dalgunes vegaes pongan a los chemical brothers. lo demás ye detestable.
1700 entamo a cuntar ropa, actividá que se desendolcaría demientres el restu la tarde.
1924 toi preparáu pa marchar, dícenme qu'hai que cuntar gabetes; les muñeques ruses d'aquella otra vegada. siempre les piden nel últimu intre. quédome hasta más tarde.
2001 llego a casa y esta vegada sí suena la traviata na voz de maria callas. maria antonieta durme.

trixésimu segundu día

2005-08-20T20:15:00.000+02:00

paez que me toi avezando a escribir solo les fines de selmana debe ser cosa d'agostu voi facer por escribir lo más posible.

0800 entramos, hai cambiu de turnu de vacación los que marcharen hai ventiun díes vuelven a la xera y los que nun marcharen entá son agora los que marchen, toos menos yo. sé que nun ye xusto nin llegal pero paez que la situación ye la qu'hai, conformismu.
1100 de la que desanudo un cable entamo a pensar, por ciertu desanudar un cable ye una actividá enforma divertía y entretenía pases el tiempu perbién, sobre les nueves polítiques que los países europeos quieren entamar a aplicar pa la prevención de nuevos atentaos. como un ñudu en cable la llibertá de movimientu y actuación de los y les ciudadanes va vese restrinxía, la nuesa privacidá tará en poder de los medios de seguridá del estáu, incluso esto que lleeis podría tar siendo censurao. si esto pasa en cuba, china, corea del norte, libia (que pasa) dizse que ye la continua violación de los derechos ciudadanos por parte de los rexímenes comunistes pero cuando pasa nel occidente de la democracia ye pa salvaguardar la seguridá de la ciudadanía. orwell tenía razón razón en 1984 y nun profetizaba como se quiso, y se quier facer creyer, los males a los que conducía'l socialismu. cuando los eeuu de a creen una televisión pa los países árabes, como aquel llibru de la resistencia, cuando s'anuncia que les anuncies que vamos ver pela cnn o los comunicaos del pentágonu van tar contaminaos conforme a los intereses del gobiernu de los eeuu de a. la deriva de privación de llibertaes nos estaos europeos acaba d'entamar y polo que vemos nun ye que vaya por bon camín.
1300 salimos.
1500 volvemos.
1700 toi con un palé. fecho n'arabia saudita. nun sé porqué pero entamo a pensar nes similitues ente afganistán ya iraq. afganistán enantes de llegar los americanos yera un país asiáticu que tenía unes lleis avanzaes no social y nel tema de la muyer n'específico, la universidá tenía prestixu y en fin podía dicise que yera un país que diba en bona confluencia p'algamar unos niveles de vida más dignos que los de los sos vecinos. iraq yera un exemplu d'estáu llaicu, nuna rexón onde la mesma pallabra suel tar prohibía, la universidá y los estándares yeren avanzaos y en dellos casos similares a los de dalgunos países europeos. n'afaganistán los talibanes ficiéronse col poder gracies a los americanos, capítulos de mc gyver y rambo i tan como bon exemplu, y desficieron tolo avanzao incluso la democracia que tanto dicen defender. n'iraq tan desatando los mesmos problemes. primero un embargu que mató a millones agora esa guerra que nun va a nengún sitiu.
1900 funeral polos militares muertos n'afganistán. el pp diz que nun va comparar pero compara, el ferreteru tamién compara l'helicopteru pertenecía a les ffaa españoles l'avión non; acabóse la comparación. en funeral taba felipe gonzález antigüu primer ministru español nun taba jose maría aznar. taría col xenru y berlusconi mirando que más medios de prensa dominar?
1930 salimos, corripia ya ye mayor. maria antonieta va volver de les vacaciones na islla de la deva

esta selmana asina que vais saber d'ella en breve.

crónica de ventiseyes hores, y dalguna más.

2005-08-15T00:26:00.000+02:00

1741 salgo corriendo de casa pa garrar el tren de les 1747.
1743 vuelvo corriendo pa casa, pesllé o dexé la cerradura sin dar les dos vueltes.
1744 taba pesllao. vuelvo correr.
1746 toi na estación, tico y llega'l tren. puntual. phileas phog quixo sobornar a un maquinista del tren indiu pa llegar más ceo a la estación, el maquinista díxo-y que nun podía los horarios taben prefixaos. el tren ye, pel momentu, una de les poques, igual la única, empresa de transporte pública y hai que reconocer que'l so funcionamientu, polo que respecta al tráficu de ciudadanos y ciudadanes ye enforma afayadizu y eficiente.
1800 llego a uviéu y voi pa la estación d'alsa, digo a la estación d'autobuses d'uviéu xestionada por alsa; que como nun tien intereses nesi ámbitu ye una mui bona opción pa xestionala de forma ventayosa pa toles demás empreses del ámbitu.
1805 saco'l billete pa carreña. cuando digo solo carreña dícenme que nun-yos sal retuco que carreña solo hai una que ye la que ta viendo col apellíu, lléo-y'l pensamientu de "otru bablista más". uviéu-carreña 7.15€. ayer en el país salía un vuelu madrid-zurich por poco más.
1815 la xente debe tener ganes de marchar porque yá ta faciendo cola delante la puerta. póngome a la cola como si fuere pa baillar un son caribeñu d'esos. nun entiendo por qué tan pronto pero...
1830 puntualidá na salida. voi solu. siempre faigo por dir solu. que naide se siente xunta mi. cerca de dos metros nesos asientos con separación ínfima faen que tenga la necesidá d'ocupar casi les dos places. amás prestame dir lleendo y sintiendo música.
1905 llegamos a la pola, pili sale de la cafetería. fae mui bon café. nun me ve.
1930 nava.
1945 l'infiestu.
2000 les arriondes. tresbordu los que van pa cangues han dir pa otru bus, los que van pa cabrales n'otru y los que van pa llanes siguen nel mesmu autobus. claro a llanes nun va naide porque tienen servivicos directos cada dos hores polo que'l bus marcha vaciu y los que nun vamos de playa a cambiar.
2010 llegamos a cangues. hai muncho tráficu.
2030 dos hores y yá tamos en benia.
2045 por fin las campinas. hai un coche. prendo'l pitu y subo ye alberto que vien de dexar la cerillina con manolo y conchita. súbeme a puertas.
2050 llego a puertas. dexo les coses en casa. molque alégrase de que tea ellí, tuvieron tirando voladores.
2056 voi pa el carmen. había escursión y nun tengo a naide en casa, pel momentu. saludo y cenamos. quedamos pa depués pa dir p'asiegu. primera fiesta del branu que voi ver en cabrales.
2200 depués de vagabundear y saludar a los mios güelos vuelvo pa el carmen pa concretar la hora a la que vamos p'asiegu.
2215 vemos a pablo'l de la braña. diznos qu'elli tamién va dir pero primero que va p'arenas a cenar.
2315 félix ye'l que mos lleva a ana, valeria y al ferreteru.
2330 acabamos de llegar y como si yá lo supiera plantáu en mitá la plaza la ilesia vemos a fernando, cansu yá d'un día enteru sin siesta y de cafés y cafés.
0000 tamos de fiesta
0556 marchamos.
1430 llevántome. como. voi pa la braña que ta ellí tou'l pueblu comiendo.
1656 faigo la maleta.
1715 marchamos pa las campinas. l'autobús sal d'arenas a les 1735.
1750 llega l'autobús. tresbordu en cangues.
1830 llegamos a cangues. l'autobús que tenía qu'esperar yá salió. vuelta pal coche nel que veníemos.
1845 llegamos a les arriondes cambiamos de bus. definitivu.
2000 uviéu.
2012 pillo l'urbanu y voi pa casa.
yá lo dixi más veces ye una vergoña qu'esa empresa monopolística tenga concedíes prevendes y privilexos de por vida; nun ye entendible qu'un día de branu pa dir al oriente solo haya tres llinies. nun se fomenta l'usu del tresporte públicu. pagar 6 euros por dir a los lagos ye barato porque nun ye una necesidá, pagar 7,15€ por dir d'uviéu a cabrales ye una estafa porque eso sí ye una necesidá colectiva. nun pue haber gobiernu d'izquierda cuando'l qu'asina se proclama nun vela polos intereses de la ciudadanía proponiendo y favoreciendo la implementación de servicios públicos reales y eficientes.

trixésimu segundu día

2005-08-13T13:57:00.000+02:00

0705 como davezu salgo de la cama, sabiendo qu'esti ye'l primer día nel que voi dir al trabayu na moto que taba en casa guardada, con emoción y tamién dalgo de nervios ante la situación de conducir per primer vegada ente tráficu de verdá y non como taba acostumáu ente los cuatro coches de foriatos que paseen per cabrales tolos branos. la situación yera nueva y desconocía y diba ser significativa pal trescurrir del día.
0740 primero qu'otros díes, pero cola sida de nun garrar tráficu enforma salgo de casa.
0743 llegué al almacén. tou bien.
0800 a facer lo de siempre.
1930 llamo a corrupia pérez, popular personaxe tamién de electropedagogo.blogspot.com y de estoupo.blogspot.com
conocía poles sos andances nocherniegues pa dir al teatru de el fontán, pero como llovía marchamos a tomar botelles de sidra y cerveces pelos bares uvieínos. con nos vinieron la voluntaria y el so collaciu y vero que tamién fuera voluntaria. allargóse la nueche faciendo qu'ésti al día siguiente casi nun se pudiera llevantar.
toi preparando un especial sobre las nieves, esa fiesta a la que la patronal nun me dexó dir.

víspora

2005-08-04T22:51:00.000+02:00

güei nun hai hores, mañana son las nieves en puertas y yo nun voi tar. primer vez en tola mio esistencia que nun voi poder tar na fiesta del mio pueblu, del llugar au pertenezo. atrás aquelles primeres h.umeras, atrás aquellos besos furtivos, atrás aquellos calderos, atrás la casina, atrás un tiempu que desenvolvió d'una forma perimportante la mio vida. colos años fui tarreciendo les fiestes de prau, nesta nun hai prau pero'l conceptu ye'l mesmu, pero las nieves siempre fueron dalgo especial. dende va unos años la única folixa na qu'aguantaba hasta l'alborada foi la charanga de la salú, pero dexó tamién de ser lo mesmo cuando los y les collacies entamaron a trabayar y dir fuera cabrales agora tócame a mi sofrir en trabayu. echo en falta nun tar en casa agora mesmo tar nes vísperes en casa luisa, bártalo cuantayá que piesllo, cola xente que como yo tuvo que marchar buscando un futuru que, desgraciadamente, nun había en so llugar.
otros años, que tamién trabayaba, dábame tiempu a dir xintar a casa, a tar pela tarde tomando sidra depués mahou y más llueu esi cuty shark con trina que tanto me presta, siempre y cuando'l vasu nun sía de plásticu. aguantar, dar que dicir. agora la xente entrugará per min, allegrárase cuando sepian que toi trabayando y dirán que vaya pena que nun pueda tar.
mañana voi cellebrar las nieves nel uviéu agostín, niégome a tar en casa, ye la fiesta del mio llugar, al que pertenezo y al que sé qu'un día d'estos voi volver yá pa siempre.
mañana voi tar colos/es mios collacios/es d'acá, que tamién son parte de la mio familia.
felices fiestes.
me paez que pa san roque si voi poder tar.
la selmana pasada nun pudi dir a san pedrín, la viespora yera'l domingu y la fiesta'l llunes.
unos a pie, una tropa.
otros a caballu, dicen que ye lo más guapo.
sicasí lo más guapo ye lo qu'ames.
safo

trixésimu primer día

2005-08-01T20:29:00.000+02:00

0800 primero salir de casa tuvi viendo los blogs de los collacios onde anunciaben les sos vacaciones, y planes braniegos, depués estenderéme sobre los de mio. fici lo que se suel facer cuando s'entama la xera.
0900 entamo con un palé de fixaciones metáliques. made in la rioja. amás de vino faen fixaciones. el meyor vino de la d.o. de la rioja nun ye de logroño sinon que ye vascu. l'aceru de les fixaciones nun ye de logroño, tamién ye vascu. el gobiernu de logroño diz que los derechos históricos de la cav son inconstitucionales. nun hai quien los entienda. na arxentina tamién hai una provincia que se llama la rioja, nun ye una provincia talmente pero poles dimensiones vamos dexalo asina, tamién faen vino pero nun lo pueden llamar rioja. en francia faen cognac, nel estáu español faen brandy polo mesmo y tola xente sigue llamándolo cognac. n'asturies a la sidra llámenla caldo pa que se paeza más al vino. la mazana vien del árbol del bien y del mal y ta perenriba la tierra. la vid arrástrase pel suelu como la culiebra qu'incitaba al viciu y al conocimientu. igual al final la cosa ye que'l frutu del árbol del paráisu nun yera más qu'una bona h.umada.
1100 tengo ganes dir a casa y ver la programación nueva de telecable, eso sí sin tlx, tlavilés, localia c10. como pertenezo a la zona d'uviéu quédame utv, popular tv y teleasturies. hai una llei que diz que les empreses nun pueden adoptar como nome'l d'una provincia o comunidá autónoma. n'asturies cola cosa de que somos principáu si quites el quites principáu la llei yá nun t'afecta. sicasí telecable pa los usuarios/es ye una rede privada de televisión na que los conteníos han tar puestos pola empresa y los/es usuaries y non pol gobiernu del bloque por asturies y fsa.
1300 salimos pa casa, hai fame.
1500 vuelta al tayu.
1530 yo nun marcho de vacaciones. anque otros otros tampoco tuviera unes vaciones de branu ad hoc podía dicise que taba de vacances en cabrales, depués echaba nel centru 9 meses de vacaciones, vamos que ni leticia ortiz de borbón nel bribón. nun conozo entá lo que son unes vacaciones de verdá, eso de dir a un llugar y tar ellí dos o tres selmanes de folganza, la folganza sí, y la verdá ye que yá voi teniendo ganes. pos nada que los collacios de vacaciones y yo a sofrir l'uviéu agostín naguando porque llegue san matéu. sicasí esti branu ta siendo bien provechosu en tolos sentíos.
1900 martínez yá acabé

trixésimu día

2005-07-31T20:27:00.000+02:00

otru más na familia. cuando a newton-y cayó una manzana na cabeza, fruta del bien y del mal del árbol del conocimientu del paraísu fechu por jehova pal esparcimientu pecaminosu y deshonrosu, a güeyos de la ilesia católica, d'adán y eva, nun sabía lo que diba revolucionar el mundu y la forma d'entendelo igual tampoco yera consciente de les griesques dialéctiques que se diben formar por mor del descubrimientu de l'atracción de los cuerpos y de les fuerces que fain posible esa atracción. a entamos d'esti añu, anque dende va munches décades se vien falando de la tema, atópose otru cuerpu ¿planeta? que xira alredor del sol. como na casa gobernante de mónaco la discusión sobre'l nuevu vástagu del rei ye enforma abegosa. unos dicen que nun pue ser consideráu coo un planeta porque anque sía parte de la materia solar la so distancia nun permite aseverar esta condición, amás de que la so composición nun ye clara como presuntu cuerpu sólidu o coles característiques de los planetes. el problema nun queda sólo nel ámbitu científicu si essite otru planeta les cartes astrales y los horóscopos tan equivocaos y poro hai que refacer toles cartes astrales que yá se ficieron, los horóscopos de los periódicos taríen toos mal fechos y asina un llarguísimu etc de complicaciones múltiples y diverses. otru de los problemes ye que'l barriu onde habita ta asina considerao como una especie de las barranquillas

estelar. en mónaco alberto tien un fíu, otru mitu gai que cae anque siempre pue que sea bisexual, que nun ye llexítimu pa la ilesia católica, vuelta a lo mesmo d'adán y eva y la xerárquía católica, eso nun ye raro en mónaco porque tenemos los exemplos d'estefanía y carolina, carol ye una muyer apasionante guapa como ella sola pero con un problema que primero de casar con estéfano ya taba casada y poro los sos fíos nun yeren llexítimos pa la ilesia, anque depués la cosa iguóse, y este que tamién ye una muyer polifacética y trabayadora que tendría de dar exemplu a les sos primes españoles que tamién tien fíos de fuera del matrimoniu. si alberto ye principe y tien un fíu, esi fíu habrá ser el principe en so momentu, y danos lo mesmo que sía mulatu, vascu, asturianu, blancu, chinu o marroquí si ye'l fíu d'alberto tien de tener derechu a ser principe pos col planeta x lo mesmo, si ye fíu del sol habrá ser otru planeta más cuantos más muncho meyor que si non siguir colos nueve de marres diba ser peraburríu. por ciertu, cómo ye qué adán y eva descubrieran el monoteismu cientos de miles d'años primero que'l restu de los y les homo sapiens?
planeta x
nasa

vixesimu nonu día

2005-07-29T23:24:00.000+02:00

el trunfu de la razón, mañana voi pa san pedrín.
0800 faigo lo de siempre.

0900 póngome colos palés de forxa que taben esperando pola mio intervención que va llevame tola mañana y gran parte de la tarde, dando pocu espaciu pa la reflexón.

1100 telecable, la compañía asturiana de telecomunicaciones, va ufiertar dos canales más de televisión, cosa enforma positiva, pero va quitar les canales locales que nun se correspondan col so aria d'influencia, asina nun voi poder siguir viendo la ventanina picuda, nin les películes de tlx de los vienres, nin teleasturies... pero voi poder ver la televisión de galiza, un canal de cocina y el cosmopolitan, nesti últimu admito que toi mui contentu. telecable ye una compañía de capital ¿asturianu? caxastur y hc- anque esta última sía de capital portugués a nun ser el restu residual de caxastur- cola participación de la nueva españa -que pertenez a un grupu denomináu editorial prensa ibérica con delles cabeceres mesmo nel estáu español como na república portuguesa- na que confluyen les servidumbres polítiques clásiques del país. cuando se ta falando de la construcción de la ciudá astur, como aquella ciudá vasca de la que fala bernardo ataxaga en la pelota vasca, el gobiernu asturianu intervien nesta compañía de telecomunicaciones, de capital pseudoasturianu, pa dicí-y que programes han entrar y cualos non. el gobiernu del bloque por asturies-iu y fsa que nel concursu sobre la telefonía de l'alministración asturiana concedió la llicencia d'esplotación a la multinacional telefónica de tou'l sistema de comunicación de les sedes alministratives, una decisión propia d'unos gobernantes de república bananera como los que tenemos. nun ye nuevo que'l gobiernu del señor areces ande metíu pola tema de les comunicaciones, en so tiempu retiró la llicencia d'emisión como radio comercial a radio sele, única emisora del país con programación vehicular n'asturianu, pa da-yla a blas herrero, empresariu asturianu vinculáu en so momentu a onda cero. telecable, una rede de cable coaxial y ópticu como ye'l casu, tien capacidá suficiente como pa poder emitir el doble de canales de televisón de los que ta emitiendo anguaño, amás de poder introducir canales de radio ensin qu'esista nenguna interferencia, poro la decisión d'eliminar delles canales locales en nengún casu ta motivada pola técnica sinon poles inxerencies gubernatives del bloque por asturies-ix y fsa. el bloque por asturies-ix paez qu'entama a tar descontentu cola fsa, tacticamente ye'l momentu paez que tengan a maquiavelo de llibru de cabecera.
1200 les fábriques piesllen n'agostu, en xunetu la producción medra, güei tamos recibiendo la producción d'agostu.
1300 pa casina a echar un pigacín, amás como ta mediu orbayando va prestar pola vida.
1500 casi me duermo, pero non, puntual como bon funcionariu de la foreign office en tayu.
1600 da-y cola forxa. entamo a paecer un mineru.
1700 l'otru día comentaba los apagones de lluz en cuba, el comandante fidel acaba comprar llámpares de baxu consumu pa la ciudadanía, xestos como esti faen que cuba siga siendo, en dalgunos apartaos un exemplu a siguir. kioto con países como cuba puede ser posible.
1930 nun me tengo, pensaba salir, voi quedar na cama. mañana san pedrín.

vixésimu octavu día

2005-07-28T21:00:00.000+02:00

dixeron que diba llover y llovió, anque non tolo que quisiera.
0742 puntual salgo de casa pa dir otru día más a la xera.
0800 póngome colo avezao demientres dalgo más d'una hora, entamo a pensar si llevar reló pero como que ye dalgo qu'estorba y que cuando nun tienes costume quedes cada poco mirando pa elli babeando y diciendo mira qu'hai sólo mediu minutu qu'acabó ver qu'hora yera; o cuando t'entruguen pela cai la hora que ye y tu invariablemente, anque lo hubieres visto hai tres segundos, como pa date un aspectu de rigurosidá infalibe vuelves a miralu, si tanta priesa tenía que llevara un reló. poro yo tómome les coses con tiempu pa que salgan meyor.

0900 póngome colos palés. a esta hora aproximadamente l'exércitu republicanu irlandes fae anuncia de la declaración de tregua indefinida depues d'un durísimu procesu de negociación col gobiernu británicu alcuerden llegar a unos puntos mínimos sobre los que construyir un futuru nel que los y les irlandeses de los seis condaos van ser los protagonistes del mesmu y nel que la so voz va ser soberana. atrás queden los años de la represión y de los asesinatos promovíos dende'l gobiernu británicu, atras han quedar los años de discriminación por mor de ser irlandés en so país.

1200 sigo colos palés. coloco delles coses peles estanteríes de la tienda. esta fin de selmana voi pa cabrales, voi dir a san pedrín, cae en sábadu y esta nun me la quita naide, nun ye lo mesmo por supuestu pero ye un consuelu. anque igual mañana'l xefe me diz que tengo que dir a trabayar el sábadu, porque la xente ta de vacaciones, y claro dir a trabayar un sábadu que nun me corresponde depués de 47 hores y media como que nun presta, y menos si na nómina nun va tar. un contratu de trabayu, una relación llaboral, tien d'entendese como la simbiosis ente'l propietariu/a/os/es de la empresa y el trabayador/a onde les dos partes necesítense la una de la otra, polo qu'establecen un alcuerdu pol que se comprometen a collaborar pa un fin común que ye'l de qu'a la fin del alcuerdu ésti pueda renovase. pa renovase l'empleador/a/os/es tien de cumplir les sos partes (salariu en tiempu y forma, respetu llexislación...) y l'empleáu/ada/os/es (cumplir col cargu desempeñáu, profesionalidá...). en resumen un contratu de trabayu ye un alcuerdu llibre ente dos partes pol que estes compromtense a dase unos servicios mutuamente, y por supuestu culesquier variación del contratu tien de ser consensuada poles dos partes.
1300 pa casina, unes ganes d'echar la siesta que nun veo.
1500 llegamos y volvemos a sacar toles coses pa fuera.
1600 salgo a meter cartones en contenedor azul, hai que reciclar pero tamién había que reutilizar más. miro pal cielu y decátome de que'l sitiu onde toi sía un de los pocos d'asturies onde la visión del horizonte pueda dase casi nos 360º, obviando les cumes del cordal. el cielu ta perguapu azules de tonalidaes agresives que contrasten con esi otru azul virxinal del branu asturianu. a un quilómetru restos d'un castru.
1700 suena estopa, versioneen a serrat, mediterráneo agora que toi en casa toi escuchándola; nací a la vera del atlánticu y paezme que los y les que nacimos frente a la mar sentimos dalgo perespecial por ella. échola falta y por eso cada vez que voi a xixón lo primero que faigo ye dir a la escalerona y ver la mar, y si nun ye onde la escalerona voi pa cimavilla a perdeme per eses cais del barriu más tradicional y vanguardista de xixón.
1800 sigo colos palés, anque la tarde nun sía demasiao abegosa. lleguen cinco palés de siguío, ye muncho. alcuérdome de la tarde nuche d'ayer en el paragües con amigos a los que lleves sin ver munchísimo tiempo, mantener una conversación tranquila yá falando del pasáu, como si yá nun fuéremos mozos, remebrando batalles d'otres époques que fueron meyores o quiciaves eso mos paez.
1930 son dos meses.
negociando tolos conflictos tienen igua.

vixésimu séptimu día

2005-07-26T20:33:00.000+02:00

0800 otru día más, güei que ta lloviendo nun pusi la radio y nun supi que diba tar lloviendo sicasí si dicen que diba llover nun los diba creer asina que...
0900 día murniu. queda pocu pa les nieves, dará circu amás d'hosties el cura esi día que se cellebra la fiesta en puertas? dexará tener unes fiestes en paz o fadrá otra rueda de prensa pa depués ponése a quemar llibros nes fogueres de la ignorancia rancia, nun sé yo nun lo voi saber. per primer vegada en ventisiete años nun voi tar en las nives de puertas, y que conste que nun voi dir nin a bobia nin a les piragües, voi tar trabayando. entrugar, entruguélo, fici lo posible por dir, pero la baxeza moral de dalgunes persones llega hasta onde tien de llegar.
1200 doi vueltes a lo de las nieves, nun puedo pensar nello pero sigo pensando y les emociones tan casi saliendo. otros años yera diferente, mui diferente, anque trabayara taba allá y podía tar cola xente. esti añu nun va poder ser.
1300 salí, ganes de dir pa casa.
1500 entramos, dícenme que si me dixeron dalgo d'ayudar (cobrando) na mudanza de la casa'l xefe digo que non y que si me dicen dalgo que como que non; un tien la so dignidá y si nun hai fiesta les nieves tampoco hai favores anque sían pagaos.
1900 recoyemos y a les 1930 pa casa.
hoi ye l'aniversariu del entamu de la revolución cubana. n'europa, nos eeuu cuando hai apagones de lluz ye pol sobreconsumu, en cuba cuando hai apagones ye pol bloquéu.
salú y hasta la victoria siempre.

vixésimu sestu día

2005-07-25T20:32:00.000+02:00

la perguapa voz de nico acompáñame de la qu'escribo estes llinies, la femme fatale que tou'l mundu conoz.
0705 llevántome sintiendo'l tiempu na radio como faigo davezu, pienso qu'un día d'estos voi dexar de facelo porque hai que dicir que cuando dicen que va llover nun llueve y cuando dicen que va facer sol fae sol y cola seca qu'hai ye pernecesario que llueva.
0743 salgo de casa, pienso nel vienres a les 1930 cuando salga, la cosa ye que tamos a llunes...
0800 si hai ceniceros úsalos, la xente ye de lo que nun hai ven un ceniceru y como nun tan en casa por si acasu nun lu usen nun vaya ser que s'empuerque. tengo ganes, y eso que soi fumador activu, de que llegue 2006 pa que nun se pueda fumar nes aries de trabayu.
0900 ya ta'l calor y pa enriba'l filu musical pon raguetón d'eso. lo de la música comercial ye dalgo que nun soi a entender, como ye eso de que te tean poniendo la mesma mierda, les coses pol so nome, cantar cuatro, cinco veces per día. la xente pa encima creyese'l tema llatinu ensin pensar que nun ye una identificación cultural sinon que ye una identificación comercial fecha sobre unes cultures con característiques bien asemeyaes pero tamién bien dixebraes.
1000 amás de pensar sigo colos palés nun vos creyer. llegué incluso, con esto de la música llatina, qu'había xente que sólo escuchaba música en castellano porque yera lo qu'entendía paecióme dalgo gravísimo, una cerrazón mental qu'amás obliga en munchos casos a tener que soportar tediosos cantares, que tamién pasa cola música n'otros idiomes, pero lo d'obligate a soportar cantares nun solu idioma ye pasase.
1100 la selmana pasada quixi dir al jazz pero siempre quedaba enantes y me lliaba y acaba por nun dir. el miércoles tocó'l gran isaac turienzo, nos sos conciertos turienzo empérrase en que los que nun tenemos oyíu musical desarrolláu podamos sintir les melodíes y entendeles, asina cuando toca una pieza tradicional asturiana col piano y el so triu ibéricu podemos sentir les pallabres del cantar ente les notes del pianu. la música nun ye la pallabra, la música son los sones que despierten sensaciones nel celebru de caún. y como diz el mio amigu nesto nun hai música fea, hai qu'escuchar de too.
1300 tantu musicar que me pasó la mañana volada.
1500 vuelta, como fai calor primero d'entrar ponémonos a la solombra y falamos un cachín, presta.
1600 una rueda de les que taba revisando dicía made in usa with global components (fechos nos eeuu con componentes globales) una sierra dicía designed in sweden made in india (diseñada en suecia, fecha n'india). máximo nuna de les sos viñetes de el país d'esti mes dicía: "pases fame en kabul y pones una bomba en madrid" a lo que-y retrucaben "ye lo que tien la globalización". la wolsvagen, paezme que s'ecribe asina, va recortar puestos de trabayu n'europa porque nun consigue los beneficios reclamaos polos accionistes, hai beneficios, el so mercáu ye prioritariamente europeu, va trasladase a otres partes onde la mano d'obra, les lleis llaborales y los costes sociales van ser menos d'un terciu de lo que son agora n'europa y los coches van valir lo mesmo; hai xente que diz qu'eso ye xusticia. la wv puso fábrica na china onde tenemos al gobiernu asturianu de visita (gran muralla, ciudá prohibía, plaza tiananmen...)amás del gobiernu van ovidio y los secretarios autonómicos de comisiones y uxt que van a da-yos llecciones de negociación colectiva a los cuadros de los sindicatos chinos. la cosa tien muncha gracia y que caun saque les sos conclusiones.
sometimes i feel happy, sometimes i feel sad

vixésimu quintu día

2005-07-24T17:40:00.000+02:00

lo primeru que sentí foi l'himnu del estáu español, alonso volvió a ganar, nun me transmitió nenguna emoción depués sentí la marsellesa y volví emocioname. sentéme nun sillón pa volver ver casablanca, nun sé cuantes veces la tengo visto, volví emocioname cuando la marsellesa apaga l'himnu de la alemaña nazi. emocionéme cuando sentí l'himnu de riego, l'himnu d'aquella revolución de 1820 que quiso esparder pela península los tres valores de la revolución llibertá, igualdá y fraternidá. hai unos años nun tornéu de tenis nes antípodes sonó per última vez l'himnu de riego, un miembru del daquella goviernu español entamó a glayar protestando contra l'himnu de la llibertá, que vergoña. de casablanca hai una frase de les caberes de la película que diz dalgo asina: "bienveníu a la resistencia está vez tas nel bandu ganador".
0746 llevántome, casi acabo llegar a casa y yá me tengo que llevantar.
0900 entramos, primero tuvimos tomando un café, el café ye dalgo especial porque yá nun ye'l vezu na mio vida.
1100 acabé de llimpiar pel fuera. el día taba agradable. de la que barría alcordábame de la nueche y de la bona conversación de los collacios en paragües. conversaciones sobre temes dispares pero siempre agradables y nun ambiente perprestosu. depués pal zielo a tomar esi café americanu con nata que me pon davezu crista. depués pa la casa posafuelles a tomar la última colos bonos collacios y tamién perbonos conversadores de la xunta.
1300 queda media hora pa marchar, déxalo hasta'l llunes, media hora pensando na futura nueche. dir a xixón, dir a mieres, dir a avilés o quedar como toles nueches nel uviéu del branu qu'agora descubro, quedar en casa yera una opción na que nun suelo pensar. falta muncha xente, los bares tan perfectos hai sitiu pa tar nun hai agobios, pues ponete nes barres a gustu.
0000 pasa un tren, subo y en siete minutos baxo. voi pa onde siempre. toi colos collacios. cuando canso voi pa casa, pa qué esperar?
un blog d'un collaciu: www.electropedagogo.blogspot.com

especial informativu 2: maría la de magdala tuvo misa en berodia

2005-07-17T16:54:00.000+02:00

l'afán de lucru del representante d'osoro en cabrales permite la realización d'un actu relixosu n'alcordanza de maría de magdala. esti fechu recuerda la ocasión na que maría de magdala echara-y perfume nos pies de xesús el de maría, coles protestes xeneralizaes de los apóstoles pol derroche que facía la compañera del de nazaret, y que'l nazarenu aceptara esi xestu d'una prostituta mediante la impartición de la so bendición recibía pola madalena de manes del fíu de xosé.
sobre lo apaecíu ayeri nos diferentes medios de comunicación asturianos, y a la espera de la prósima edición de "el oriente de asturias", el ferreteru considera que la profunda confusión que pretende realizar fernández, ente la sociedá cabraliega mediante la manipulación de términos como tradición, cultura popular, relixosidá al intentar mecelos y estraer esclusivamente aquello qu'a elli-y paez correctu tienen por finxu cimeru'l siguir manteniendo unes prerrogatives, que como dicíemos ayeri escapen a toa lóxica democrática y cívica. los pueblos desenvolvieron de formes dixebraes los sos sentimientos relixosos mediante l'adopción d'unos ritos, como bien puede ser el casu del ramu o les fogueres de la nueche de san xuan que la ilesia católica apostólica y romana adaptó, mantuvo y reconvirtió conforme a les sos necesidaes.
fernández nun dexa de ser un personaxe paradóxicu en tantu la so vocación sacerdotal ta supeditada al cobru de tases y portazgos. más que esixir eses perres podía tar entrugándose en que falla la so misión eucarística cuando alcuentra les ilesies vacies, y ye que'n dalgunos llugares con una capiellina d'ánimes diba tener enforma, y elli en tantu que comercial d'esa organización privada paraestatal tendría que plantegase si ta faciendo un trabayu dignu o si en realidá ta desprestixando a esa organización 2000 años atrás constituida en sociedá asamblearia.
nun dar una misa hasta nun saber a onde van dir les perres gran exemplu pa esta sociedá.

especial informativu: la folixa y el pan pal pueblu

2005-07-16T18:50:00.000+02:00

1400 veo la prensa y alcuentro que'l representante en cabrales del representante en asturies del representante nel estáu español del representante de xesús el de maría en roma diz que les perres de la puya'l ramu tienen de dir pa les ilesies, que mui guapo y sacrificao'l trabayu de les comisiones pero eses perres tienen de dir pa la ilesia.
recordamos aquellos bellos pasaxes de la nueva anuncia nos que xesús el maría echaba a los mercaderes del templu por comerciar cola moneda, o aquellos otros nos que-y amuesaben una moneda entrugándo-y de quien yera.
acompañáu por parte de los poderes fácticos del conceyu: un representante de la banca y un representante del cuartu poder de la sociedá que ye la prensa, convoca fernández a los medios pa denunciar esti gravísimu atentáu contra los derechos de la ilesia, y los intereses económicos de la mesma. remarca muncho, demasiao, la tema de que vive de la so xubilación ye reiterada hasta'l puntu de que la xente va entamar a duldar de la pallabra d'esti ciudadanu. qué falta tien esta organización privada de recurrir a estos ingresos económicos cuando cuenta cola excepcionalidá del diezmu na declaración de la renta que los y les ciudadanes tenemos que facer. cuándo cuenta con ayudes del estáu a parte del diezmu. la intromisión d'esta organización privada en la vida de les comunidaes llega a unos estaos que son lamentables en cualesquier sociedá democratica, fechos como esti nun faen más que remarcar l'anquilosamientu y falta de conexón d'una gran parte d'esta organización fundada pol antigüu recaudador d'impuestos y comerciante pablo de tarso.
el qu'escribe anuncia que de siguir el representante en cabrales del representante en asturies del representante nel estáu español del representante de xesús el de maría en roma encabezando manifestaciones polos pueblos ensin el correspondiente permisu de delegación del gobiernu español n'asturies va denuncialu porque a dios lo que ye de dios y al cesar lo que ye del cesar.

vixésimu tercer día

2005-07-16T15:37:00.000+02:00

2015 salgo de casa pa tomar el café; allárgase, conozo xente nuevo, quiero dir pa casa siempre doi la vuelta.
0130 llego a casa, duermo.
0643 suena'l despertador, llevántome.
0735 pal cosmen.
0750 entramos, sí yá sé que queden diez minutos pero...
0900 too barríu y fregáu, fai calor, desenvuelvo bien, pienso na nueche y nes que queden por llegar.
1100 soi l'únicu que nun garrara un arma pa defender l'estáu español. una vez tuvi un ak47 nes manes yera saharaui. españa fuxó, abandonólos. yera españa pero fuxeron non lo defendieron. yeren españoles, dexáronlos esclavizar y matar. la del crucificáu repartiéronla en tres piazos, la d'ellos en dos; nun hai diferencia, abandonáronlos. el pueblu del de maría tuvo pel ermu 40 años, ellos lleven yá 30. yera la marcha verde, la marcha de los poderosos sobre los oprimíos, la marcha de la ignorancia sobre los que tienen los mesmos problemes que nos pero a los que convencen pa echa-yos a ellos la culpa.
1200 nun ye qu'haiga munchu trabayu.
1300 salgo, pa casa a xintar.
1500 volvemos al trabayu.
1600 paez que nun hai munches ganes de trabayar, nun sé que me pasa que nun puedo tar quietu, tengo'l primer discu d'stoned amosphere rondando pela tiesta. lletres directes y crítiques nun van d'enrollaos son mozos como nós, fíos de prexubilaos, ñetos de mineros, cansos d'aguantar el golor a descomposición del so país y qu'aporten el so granín de sable p'aportar soluciones a la crisis que nun ye. nun los vamos ver, que pena daveres, nos cuarenta o na mtv como al melendi o a los del sueñu esi de la morfina; naide nun va poner una bandera d'asturies nel cristal d'atrás del coche por ellos y a ellos de xuru que va presta-yos enforma. por qué nun quieren oveyes quieren persones, ciudadanos y ciudadanes d'asturies que digan yá ta bien d'aguantar inutilidá.
1700 entérome de la rueda de prensa del cura de cabrales. tan echaos al monte. diz que les perres de la puya'l ramu han ser pa la ilesia y non pa la fiesta. pienso que les manifestaciones relixoses, conocíes como procesiones, responsables de la ocupación de la via pública ensin conocencia por parte de la delegación del gobiernu y poro habíen tar sancionaes por parte del organismu competente. puede sonar raro lo que toi diciendo pero la tema ta en si se puede permitir qu'una entidá privada pueda disponer de privilexos d'ocupación de les vies públiques sin l'autorización de l'autoridá. otra cosa ye ,tamién, el nivel decibélicu de les campanes de les ilesies de la que n'otra ocasió falaremos.
1800 vaya día que llevo.
1830 voi recoyendo l'almacen.
1930 salimos. hasta'l llunes nun hai más.
notes: a les 0750 apagué un pitu, a les 1440 prendí otru pitu, a les 1930 prendí otru pitu.

vixésimu segundu día

2005-07-11T20:37:00.000+02:00

0646 llevántome, otra selmana más, otru llunes más, el tiempu pasa. decido quedar un ratu más na cama. esi ratu que va dende les 646 a les 705 dedícolu a sentir, escuchar, oyer la ser, anque hai díes nos que me llevanto en plan guasón y pongo la cope, pero esi estímulu nerviosu dura hasta que siento la zafia y mezquina voz de jimenez losantos volviendo al informativu de la ser.
705 arriba ferreteru. almuerza, fai como si almorzares, llávate, vístete y salí a les 0743, como veis los tiempos tan planificaos mui británicamente pero si nun hai organización personal nun hai posibilidá d'avanzar na organización colectiva.
0757 pa dientro, a facer lo de siempre.
0900 los andamios ya nun son aquelles estructures de fierro pesadones y ríxides anguaño hai andamios d'aluminio, llixeros y gráciles. nun ye que quiera facer publicidá, les muses me llibren pero ye dalgo qu'a la xente qu'acaba de descubrir esti mundu puede choca-y tanto como descubrir nun documental del national geografic qu'esisten tres castres de mariposes emperador o que los yimazos del oriente d'asturies son d'una castra diferente a los de la zona central del país.
1100 llimpiu y acuriosáu l'andamiu llixeru embálolu y colócolu au me mandaren. nun dexo de ser un mandáu. fae calor.
1200 ye'l mediudía. alcuérdome de que se m'escaeciere dir a la selmana negra, tamién feria del bocata calamares y pulpo, la fin de selmana que vien ensin falta p'allá. un collaciu de mio que tamién tien blog yá tuvo mirái lo que cuenta http://www.estoupo.blogspot.com/
. yá sé que ye de los qu'escribe n'amestao pero que se-y va facer, ta mui bien y a min préstame (alcuérdate de la llámina de trainspoting).
1300 salgo. tengo fame. los oyíos queden llibres del filu músical.
1500 vuelvo al trabayu. vine en cosmen. n'asturies somos asina conocémonos toos y yo cuando monto en monopoliu monto en cosmen, en cabrales díbemos en mento, absorvíu pol monopoliu.
1600 toi fartu del filu musical. siempre la mesma música. la versión del i fough the law de loquillo (peor versión de la historia por ciertu) lleva sonando ya cuatro veces esti día. máncame la cabeza. de la qu'escribo esto toi escuchando a joselito, la so campanera, cantar introductoria del pc mus, xuegu míticu onde lo haya y que permitió a muncha xente deprender xugar mus y n'otros casos como'l miu ganar a felipe con ordagos perende.
1700 salgo a dar una vuelta pela tienda y atopo a un paisanu de barba que paez que vien de la braña. mírolu y ye como un teletabi de los que ven los neños y neñes d'agora (siempre con una tele enmediu), pola curiosidá saludélu y falé un ratín conelli, ye mui celebre, y a poco tuvi de pidi-y un autografu anque camenté que diba ser pasase y aprovachase de la situación.
1800 picando piedres na prisión, lluché contra la llei y la llei ganó. cuatro bolses d'escombru y a llenales col trito. atopé un güevu de culiebra, pero yera mui nuevu y españo daquella. igual nun yera de culiebra pero a mi préstame más pensar que fuera de culiebra que de páxaru.
1900 guardando les coses. atascu na entrada del almacén, ye como'l semáforu de sotu'l barcu. a la media hora entro cola carga y marchamos pa casa. depués sentéme y seguí escribiendo.

vixésimu día

2005-07-10T19:34:00.000+02:00

0800 depués d'apagar el pitu tusir un cachu entro pa dir directu pola aspiradora. ayeri alcontrara un accesoriu que diba permitir abandonar la peregrinación de rodielles per tola tienda, calculo que con estos díes llimpiando de rodielles algamé indulxencies pa unos venti años. nestos próximos venti años voi poder facer lo que me dea pola real gana que bona ye la ilesia católica.
0900 sigo pensando en tolo que voi poder facer, sabiendo que yá toi perdonáu y qu'esos años nun cuenten a la hora del xuiciu. llega un palé y póngome con él el conteníu nun ye interesante y poro nun voi falar d'elli. la cosa llevó muncho tiempu.
1230 interesante nada pero llargo y difícil de cuntar, nun vos quiero nin cuntar. sigo, seguí, pensando no de les indulxencies, esa capacidá de perdón qu'ufre la ilesia católica apostólica y romana anticipada a la comisión del delitu. y nada qu'agora que tengo toda esa llibertá más que saltame les más conocíes como comer carne en cuaresma y dir a misa los domingos nun se m'ocurre nenguna otra.
1307 salgo, prendo'l pitu y pa casa. el trabayu va faciéndose monótonu.
1500 fae sol, fae muncho calor, quiero tar na cama echando un pigazu. toi pensando en que depués voi xubir a uviéu a tomar una cerveza, lleer la prensa y charrar un ratu colos/es collacies. les conversaciones en trabayu, amás de rápides, son nun sé si emplegar la pallabra que ye pueril. ayer españaren bombes en london naide faló nada d'ello, entrugué-y a un sobre la tema pa ver si polo menos taba enteráu, sabíalo pero yera como si nun significara nada pa elli.
1600 torniellos, piedres y palos. la fabrica ocupá hai que trabayar. palés de torniellos a media d'una tonelada métrica cada un d'ellos (pongo lo de la tonelada métrica pa que nun haya confusiones cola tonelada imperial). clasifícolos y los cuento. sigo colo de london y l'interés de la xente polo que realmente condiciona la so existencia.que'l real uviéu suba a segunda b tien un importancia pa la nuesa subsistencia tala que nun podríemos dir a trabayar de l'alegrua o disgustu que pudieremos tener. que cincuenta persones muerran en london y otres cincuenta en basora a consecuencia d'acciones armaes y que les bolses y el petroléu se desplomen sí va condicionar la nuesa existencia. que se saque a los milicos a controlar les estaciones de tren y autobus, que s'impongan más controles a la ciudadanía sí condiciona la nuesa existencia. dicen que vivimos nuna sociedá democrática cuando en realidá vivimos nuna sociedá apantallada y aletargada, qu'escaez, y cambia, la so realidá y les ganes de cambiala pa meyor por noventa minutos viendo a venticinco persones correr per un prau dando-y golpes a un balón fechu por un neñu o neña de singapur, que trabaya esclavizáu diecisiete hores al día por una migayina d'arroz.
1900 voi acabando. ana rosa cambio la forma de peinase, ta más guapa.
1930 salgo corriendo que voi pa uviéu. me marcho pa oviedo, me voy pa la city... cantaba un grupu que ganara'l concursu de maquetes de los cuarenta va unos años. ta mañana. besos y abrazos que güei siéntome bien.

decimu nonu día

2005-07-06T22:08:00.000+02:00

0756 ta orbayando, entro pola aspiradora y la fregadora.
0900 monto una máquina, ye de lituania. europa cada día ye más pequeña, el mundu cada vez ye más pequeñu. dende 1970 hata güei la desigualdá ente los páises ricos y los probes medró un 70%. el mundu ye cada vez más pequeñu.
1000 depués de la montar y amuesar póngome con unes muñeques ruses, dientro cada una hai otres dos más pequeñes y dentro d'eses dos hai otres dos. ye como tar en pascua. llámoles ruses porque son grises. si fueren americanes tendríen munchos collorinos, estes tienen el collor plano, asina los y les cries pueden desenvolver el maxín.
1315 toi viendo la tele, falen del pastel de boniato, dícenme qu'hai xelaos de boniato. abluco colos americanos.
1457 volvemos pal trabayu. póngome con delles caxes, pasen sin mayor gloria que la de resaltar que munches tan feches pola mcc. y vuelvo a lo de siempre, el nuesu aceru yera pa esportar n'esuskadi l'aceru de so yera pa trabayalu ellí.
1700 tengo visita. préstame. nun me distraigo.
1705 depués de la visita alcuérdome de la fin de selmana lleendo el oriente; ye'l periodismu popular a la enésima potencia. saber quien llega, quien marcha, que se fala, quien ye la presidenta de la to comunidá de vecinos/es. pero sobre too saber que n'asturies hai proyectos que duren 160 años.
1800 etiqueto y etiqueto. y sigo etiquetando.
1900 póngome a recoyer. toi viéndome en casa escuchando a los chemicals y llendo'l periódicu.

madrid nun va facer les olimpiaes del 2012, dame pena. jesús iglesias diz que van siguir col pautu cola fsa. el bloque nunos meses, non demasiaos va romper les sos rellaciones cola fsa (javier fernández debe tar temblando del mieu). iu poco depués va facer lo mesmo. l'obxetivu volver a engañar a la xente. pero hai que s'alcordar cuando espublizaron el pactu de gobiernu en prensa con una versión diferente a la realmente aprobada. pero esto ye asturies equí nun ye que nun viva naide, equí ye que nun pasa nada.

decimu octavu día

2005-06-30T21:43:00.000+02:00

0800 cómo toles mañanes miré'l reló del móbil y la data. la nave como macondo ta a la vera'l riu; nun sé si pa construyila traxeronla en barques pela canal fluvial de toes maneres como en macondo tolos años vien una feria coles últimes novedaes.
0801 pase l'aspiradora y la llavadora. alcordeme del martes que fuera día orgullosu y de la cara de dalgún collaciu en periódicu pa lligar ;). pa que dicir mentires el martes cuando nel filu músical sonó mónica naranjo diome por garrar a maria antonieta y dar unes vuelteques pel taller, orgullosos como tábemos de poder ser iguales que los y les que non lo yeren.
0900 llegaba la feria, en toles feries que se precien tien d'haber xitanos, n'europa tamién conocíos como cíngaros y na verde eire como gypsis. son los qu'ufierten les mayores sensaciones tecnolóxiques; visores laser (nun cayer nel erru de palatizar les sigles), taladros multiperforadores (de xuru qu'a dalguién se-y ocurre dalgún qu'otru usu a parte de los mil y un que ya salen en llibru instrucciones) y más coses... anque lo más guapo foi'l globu.
1000 cinco selmanes en globu, tom sawyer... y asina un llargu etéctera de llibros tienen nos globos un de los sos puntos argumentales más importantes. razón nun-yos falta, l'avión tien falta de motores pa elevase, l'helicópeteru lo mesmu, pero los globlos solo col

helio.
	(Del gr. ἥλιος, Sol).
	1. m. Elemento químico de núm. atóm. 2. Gas noble escaso en la corteza terrestre, muy abundante en el universo, se encuentra en el Sol y en otras estrellas, en el aire atmosférico y en algunos yacimientos de gas natural; se usa para llenar lámparas incandescentes y globos aerostáticos y como diluyente de algunos gases medicinales. (Símb. He).

ya tienen capacidá abondo como pa elevase y desplazase solos la persona, el gas y el globo contenedor. tien de ser una experiencia fascinante esa de poder tar en mediu del cielu volando col sofitu de les corrientes del aire, sabiendo d'onde sales ensin saber onde vas llegar.
1100 volamos el globu pente l'espaciu aéreu de la émula macondiana, pola feria n'otru casu nun tendría nenguna relación con macondo.
1200 esti día'l congresu de los diputaos/es español aprobó delles lleis y reformes d'otres que tienen por fin sofitar la igualdá de los y les ciudadanes. toi mui contentu, repítome no dicho enantes. sentí delles conversaciones que me dexaron ablucáu viendo que la xente nun entiende la necesidá d'avanzar nel reconocimientu de los derechos de la ciudadanía, poniendo escuses fates como "que va dicir el guah.e que so padre ye un home y so madre tamién ye un home qu'enantes fuera un muyer, onde vamos parar!". al final la que protesta ye la ilesia católica apostólica y romana d'españa que ve como pierde los monopolios y les plusvalíes económiques. divorcios en una selmana, vamos ver les uniones civiles, matrimonios civiles (el relixosu nun tien validez llegal, y que yo sepa'l cura nun ye ni funcionariu nin electu popular pa poder cellebrar contratos civiles) o como lo quieran llamar son contratos ente dos persones (nun sé porque solo ente dos) y como contratu que ye tendría de poder rompese en cualesquier momentu a petición de les partes. la rota pierde'l chollu.
1300 voi xintar, hai fame.
1500 vuelvo y por fin me pongo colos palés. record mensual cuatro palés en tola tarde, pa compesar los que nun se fixeron pela mañana.
1930 si quedamos vamos ganar más. quédome. la selmana que vien cuando vea la nómina sabré lo que gané de más.
2025 salimos y pensamos en mañana. como diz albert plá nun podemos quedar tomando'l sol mientres pasen inxusticies.
munchos y munches heteros piensen que los y les homo (voi aforrar pallabres y nun escribir la pallabra derivada de la poetisa que dicía que los más guapo ye lo qu'ames) son cuasi violadores y demás y que nun pueden tar a la so vera porque igual-yos dan un besu; si-y dieramosla vuelta a esa regla saldría que una parte importantísima de la sociedá taría entrándo-y a la xente como desposeidos/es. como ta'l mundu, ignoren lo que desprecien, desprecien lo que desconocen.

decimu séptimu día

2005-06-27T22:00:00.000+02:00

0745 salgo de casa, hai dolor de cabeza y ganes de volver pa la cama. prendo'l pitu y espero pol transporte.
0800 entamo cola xera avezada y yá conocía de toos y toes. yá ta faciendo calor y la máquina refrescos ta vacia.
0900 entamo col primer palé. hai empreses que tienen la manía de nun poner códigos de barres nos artículos. hai xente que tien que-yos poner la pegatina, nesti casu ye'l ferreteru esa xente.
1200 acabo de poner les pegatines, la calor impide casi cualesquier reflexón.
1300 salgo, por fin un día saliendo a la hora.
1500 vuelvo y póngome con otru palé. alcuérdome de qu'esta fin de selmana'l partíu comunista d'españa tuviera'l so congresu, vuelveme la nostalxa marxista-lennistta y entamo a pensar naquellos años de carrillo, de pasionaria, de gerardo iglesias, tamién d'otros y otres comunistes como marisol. sí marisol aquella mocina que tenía un güelu qu yera conde italianu nuna película y que tamién xugaba a la tómbola, pos yera comunista ehí onde la veis. el so home, paco, morrió y quiso que lu llevaren a la última tierra utópica y d'esperanza.
1800 depués de poner más pegatines abro otru palé y sigo hasta la hora de salir.

decimusextu día

2005-06-26T21:35:00.000+02:00

pasaba la nueche de san xuan, el fueu purificara la tierra verde, les ilusiones de la xente escrites en papel quemábense na foguera arrodiada pel círculu de la xuntura de los meñiques; y el ferreteru a llevantase.
0730 salgo de casa, güei inda más ceo, tengo ganes de tomar un café; anque primero del café vino'l pitu de l'alborada.
0758 entré y púsime cola aspiradora y la maquina de llavar.
día ensin novedá.
1930 salgo, voi pa casa. depués pal posafuelles.

decimu quintu día

2005-06-21T22:27:00.000+02:00

0757 depués d'apagar el pitu entro na ferretería.
0800 salí del vestuariu, dexé la bolsa cagüeñera qu'identifica a la mocedá comprometía y con ganes d'una selmana per xixón de folixa nocherniega y cursos peles mañanes.
0801 garré l'aspiradora, alcuérdome de que depués d'aspirar he pasar la maquina llavadora, o fregadora, que yá ta iguada.
0915 depués d'aspirar y fregar entamo colos palés. baxa, descarga, cuenta, revisa, carga, coloca.
1200 saca les bolses de basoria, el camión lleva cuatro díes ensin pasar, fai calor, fedor.
1215 fraga sacó más votos. el psdg y el bng sacaron más votos que fraga. entovía queda'l votu de la emigración galega. n'asturies nun sé si esi votu existe. espero que en galiza tamién gobierne'l bloque, como n'asturies. hai diferencies, na galiza sábense país, n'asturies nun sabemos que somos, llueu quiciavis nun existamos. alcuérdome de les grandes conexones históriques y de pensamientu asturianes y gallegues. n'asturies nun tuvimos una rosalía de castro, tampoco un castelao; igual sí pero nun fuimos tan románticos, lo de nueso yera'l naturalismu. asina mos va, ensin suaños de futuru.
1300 salgo y echo'l pitu.
1500 yá xinté, yá fumé y vuelvo a la xera.
1600 coloco delles coses peles estanteríes, echo gabitos acullá.
1700 sigo colos palés. esta fin de selmana hebo cumal de la unión europea, asturies nun va tener fondos europeos, ye que la cosa va bien y los problemes d'asturies son lleendes urbanes. dicen que nes termes del campu valdés nerón toca l'arpa toles nueches, suañando que ye como augusto y diciendo querer ser marco aurelio; quedóse en fiu de marco aurelio col so gustu polos xuegos.
1730 l'uviéu ganó n'ávila. uviéu tien un acueductu, pequeñu, ávila tien otru acueductu más grande. el d'uviéu ficéronlu los y les uvieínes, el d'ávila ficiéronlu los y les romanes. teníen sede.
1800 llega un palé. ye d'ayerbe, un pueblu vascu (ta en nafarroa, cerca d'aragón) alcuérdome d'o chuicio d'ayerbe. la llingua aragonesa ta morriendo, sele. muerre aragón ensin agua. quieren llevala pa facer campos de golf y agricultures de regadíu. nun s'alcuerden de los cuentagotes. nun miren lo que tienen.
1915 voi por maria antonieta, un cuartu d'hora y yá voi pa casa.
toi cansáu. echo'l pitu. escribo. duermo. la fin de selmana mar y yo volvimos ser los primeros nel trivial públicu de cabrales. agora toca volver cada poco a renovar y aumentar el record.
ávila nun tien acueductu. segovia y uviéu sí. ávila dicen que si nun existiera nun diba pasar nada porque naide nun s'alcuerda d'ella, ye como teruel que naide nun s'alcuerda de qu'existe; sicasí n'ávila, teruel y n'uviéu vive xente; y munchos tienen problemes asemeyaos.

decimucuartu día

2005-06-16T22:27:00.000+02:00

0800 apago'l tercer pitu de la mañana, llevo una hora llevantáu; la media ye d'un pitu cada venti minutos, pero como salí de casa hai venti minutos, la media real ye d'un pitu cada 6,6 periodu. minutos. entro y faigo lo avazao, pero ensin máquina de llavar que ta estropiada. nun hai sitiu na solombra. sol y calor.
0915 entamo a cuntar unes caxes d'anclaxes y mosquetones.
0930 acabo, coméntolo, llega'l primer camión de la mañana. descárgase. tubu d'escape y espeyu retrovisor.
0945 segundu de la mañana. descáragase, glayíos y paséu pel almacén.
1015 terceru de la mañana. pitos. primer avisu.
1100 cuartu la mañana. espeyos retrovisores. segundu avisu.
1115 quintu la mañana. coxinos pel aire.
1200 sextu la mañana. tubu d'escape y espeyos retrovisores.
1315 depués de colocar los palés pa casina a xintar. prendo'l pitu.
1458 vuelvo. intento siguir cola caxa aquella. pienso nes 2030 quedé con unes collacies pa cellebrar l'aniversariu, veo dellos sms de felicitación.
1545 pienso no xenerosu que soi, tolos díes regálo-y a la otra parte firmante del contratu de la mio fuerza de trabayu hora y media tolos díes. nun soi'l primeru, tampoco l'únicu, quiciavis el caberu nun fuera malo. sicasí amás de la firma hai un alcuerdu verbal al que-y doi mayor validez, en tou casu si ésti, el verbal, s'incumpliere echaría mano del escritu.
1546 axilidá mental.
1546 colocó dellos preseos venceyaos a la construcción.
1630 dicen que en exércitu español pues facer de too. toi esguilando pente les estanteríes. nun llevo cuerdes, nin nada pol estilu, alcuérdome de la caxa del entamu. tengo bona flexibilidá. voi tener que dir a quirós.
1730 sigo colocando. avérase la cellebración. fai muncho calor. sudo. paezo una fonte.
1830 voi acabando de colocar les coses. meto papel pa reciclar, siempre se mos escaez que lo más importante ye enantes de reciclar reutilizar siempre que sía posible.
1930 salgo, llego a casa miro un corréu d'un collaciu falando del rollu blog. entro nel d'elli presta muncho. ye bon rapaz. nun m'alcuerdo de la dirección, cuando m'alcuerde póngola pa qu'entréis.
pd: a les 1930 prendí un pitu

decimutercer día

2005-06-16T07:04:00.000+02:00

depués d'un paréntesis técnicu, por mor del conocíu bill gates, vuelvo a la xera avezada d'escribir esti blog.
0800 apago'l pitu. fae calor, muncho. aspiro.
0850 nun hai maquina de llavar, ta estropiada. póngome colos palés. son taladros. alcuérdome de la falta que van facer n'asturies los taladros, destornilladores y llaves eléctriques. alcuérdome tamién de la xente que va quedar en paru dende carpinteros a comerciales. gobiernu de bxa, lliberación, ira, pca, fsa... pa qu'engañanos gobiernu de la fsa, col cameo d'izquierda xunida, gracies por facer d'asturies un paraísu de los servicios, un paraísu de la inactividá. la historia nun ye nueva, pasónos nel sieglu nonaxésimu y pásanos nel sieglu vixesimuprimeru. país de colonizaos que nun tien nin valir siquiera pa que mos colonice dalguién intelixente y con xacíu.
1020 acabo de colocar los taladros. miro les pieces del altillo. la perspectiva dende esi puntu tien de tener una semeyenza cola del dean dende la torre de la catedral d'uvieo. un que ye cabraliegu aveza subir y ver les formigues caleyar y vagabundiar pente los pasiellos del comerciu.
1200 póngome col cartón, una de les principales coses a la hora de preservar la natura ye la de reutilizar siempres que sía posible, ayeri acabóse yá nun más reutilización tou pal contenedor azul.
1300 prendo'l pitu. fae más calor entá. tengo dir caminando a casa. tiempu: dos pitos.
1445 munchísimo calor. subo al alsa. aire acondicionáu. viva cosmen. viva'l gobiernu de la fsa col cameo d'iu y la comparsa del bxa que permiten y favorecen l'absoluta lliberalización del tresporte públicu n'asturies.
1456 apago'l pitu y póngome a trabayar.
1900 tarde ensin novedá. la fundición yá nun m'asusta. tengo guantes. espero poles 1930.
1930 salgo. prendo'l pitu.
paso 9 hores y media ensin fumar. ensin echalo en falta. por qué siempre apaez el pitu desesperáu. gobiernu d'izquierdes, gobiernu que fae por meyorar ya igualar el nivel de vida de la ciudadanía, que puxa polos derechos de los y les ciudadanes. gobiernu de dereches, gobiernu que fai por crear ilusiones a la ciudadanía, que nun apoya les vindicaciones de derechos de la ciudadanía.

séptimu día

2005-06-09T13:37:00.000+02:00

0800 apagó'l pitu. garró l'aspiradora. aspiro. garro la maquina de fregar. pásola.
0915 báxenme'l palé, primeru de la mañana. cuénto les coses. pienso que cuando lleguen los magos d'oriente nun voi tener res d'ilusión por abrir los regalos, pa daquella voi tar fartu de tantu abrir y pesllar paquetes.
1100 coloco les coses del palé na tienda. busco les estanteríes. veo la xente pasar. fumen, dalgunos. ruégase nun fumar, nun se prohibe, ruégase non comerciar cola mano d'obrar, nun se prohibe.
1200 otru palé, baxámoslu, etiquetámoslu. por qué nun-yos pondrán códigu de barres a les coses.
1305 prendo'l pitu, pienso en platu. alégrome de ser chinu, como'l que ficiere les coses que desempaqueté tendría qu'esperar dalgunes hores más.
1500 vuelvo, primero apagó'l pitu. barro y saco los cartones. depués cuento fundición boles y piñes de formes y pesos diferentes.
1600 veo la llámina de plexiglass, entrugo lo que val; abluco y pienso que si la chica de plexiglass sería una prostituta de luxu o una moza permaquillada.
1700 llega un camión de repartu, nun ye una novedá, baxes les caxes o los palés y sigues colo que tabes faciendo, nun da casi tiempu a ver quien ye'l que conduz.
1800 etiqueto cientos de coses.
1915 garro a maria antonieta y damos un paséu.
1930 abro'l paquete tabacu y viendo que solo hai un par de pitos pienso que mañana pela mañana habré mercar tabaco.

sextu día

2005-06-08T20:13:00.000+02:00

[con dos díes de retrasu vuelvu escribir, la culpa ye d'un señor que se llama bill gates y la solución al problema ye gracies a otru señor que se llama linus 4:)]
0800 depués d'apagar l'últimu pitu de l'alborada, muncho calor, vuelve'l ferreteru a la xera. aspira y llimpia perdayuri, llegando a rincones desconocíos dende la instalación del comerciu.
0900 entra palé y el ferreteru descárgalu y lu cunta. ye fundición, d'esa que tanto-y presta a maria antonieta.
1100 llega más fundición, barrotes. alcuérdase de la xente que sigue nes cárceles por mor de la llibertá.
1200 depués de cuntar la fundición ponse a revisar otros palés de munches coses diferentes y fechos n'italia. piensa na globalización, otra vuelta más, y reflexona que lo mesmo que los zapatos italianos tienen meyor consideración que los catalanes, les pieces italianes han tener meyor consideración, socilóxica, que les asturianes. y dase cuenta de que non por tar fecho fuera ye meyor.
1300 prende'l pitu y marcha pa casa, esta vegada decide dar un paséu pa dir, el vezu ye dir en coche.
1500 apaga'l pitu vuelve metese na nave. más cuntar
1700 fíxase nos palés, hai un que llama l'atención porque trae cuando lu ve imaxina les mares que conociera esi palé primero de llegar a les tierres del atlánticu asturianu. tien de ser perguapo pone-y un llocalizador a un palé pa saber per onde anduvo hasta dar con asturies. les mios manes herménense coles manes de los proletarios que manexaron esi palé, sicasí doime cuenta de que munches d'eses manes nun yeren siquiera proletaries, yeren lumpemproletaries; xente con menos derechos entá que nosotros.
1930 prende'l pitu sal, marcha a un area comercial de les qu'inaugura el gobiernu de la isquierda plural asturiana y merca un periféricu que-y va estrozar el windows.

quintu día

2005-06-04T05:00:00.000+02:00

0800 llega'l ferreteru al trabayu con bon espíritu sabiendo que ye l'últimu día de la selmana. dispónse a llimpiar el centru comercial col coral revolucionáu pensando nes 1930.
0900 muevi palés perdayuri.
1100 los trabayadores asturianos calcen un 43 y un 42, el 46 y el 40 son los números con menos demanda. al ferreteru encargáron-y seleccionar calzáu de trabayu y como bon observador fixóse enforma nestes coses. los que son altos y usen más allá del 46, casu d'esti ferreteru, vemos que les nueses perspectives profesionales acaben ceo...
1330 echa un pitu el ferreteru y fuxe pa casa.
1500 depués d'apagar un pitu entro y sigo col llabor, como ya tuviera col calzáu agora tóca-y la vez a la ropa. la muestra ye asemeyada a la del calzáu, los trabayadores asturianos nin son mui baxos nin mui altos. allárgase la xera de la selección de la ropa un bon ratu.
1730 póngome a cuntar muelles, alcuérdome cuando una amiga mercó una máquina encuadernadora y taba percontenta, imaxínalo cuando sepia la cantidá d'anilles diferentes qu'hai en mercáu; hailes de tolos anchos y llargos imaxinables.
1845 entamo a etiquetar anielles, gafes de seguranza...
1915 barro l'almacen, maria antonieta tuvo durmiendo y poro nun tuvo repunante.
1935 echo'l pitu, voime, hasta'l llunes
47 hores y media.

cuartu día

2005-06-02T20:06:00.000+02:00

0757 apago'l pitu y entro en vestuariu.
0800 garro l'aspiradora, entamo l'aspiráu del aria comercial.
0820 garro la máquina llavadora del suelu, llávolu.
0900 alcuérdome del referendum nos países baxos, netherlands, ganó otra vuelta'l non, paez como si nos países con mayor tradición democrática y sistemes sociales más avanzaos nos referénduns siempre ganara'l non.
0910 entamo col llabor de la clasificación y revisión de los palés, actividá que me va llevar tola mañana y gran parte de la tarde. cuando coloco los artículos en fila pa facer la revisión siéntome como los policíes depués de la incautación d'un fardu perica, sicasí preferiría que les investigaciones les llevaren los y les fiscales y non los y les xueces; si vas xulgar y la xusticia ye ciega nun ye normal que'l xulgador sía una parte imprescindible na investigación.
1300 salgo, echo un pitu, xinto, falo con dalgún collaciu pol messenger.
1500 vuelta a cuntar y revisar.
1600 llevo dellos palés pa la tienda.
1700 tengo dir barrer el mostrador de la tienda, la xente apaga'l pitu debaxo'l cartel de nun fumar, la paradoxa ta en que xusto enriba'l cartel tienen un ceniceru, camiento que por vergoña nun lu usen.
-nota ensin hora: maria antonieta quixo poner unes flores de forxa en xardín de versalles, tuvi que les cuntar una per una, que caprichinos tien maria antonia; la probe nunca nun debió estudiar nin matemátiques, nin física, nin nada...
fórmula pa calcular cuántes coses hai nun conxuntu: peses una unidá; depués peses el recipiente pa restalo del total del pesu; peses toles unidaes col recipiente y faes esa resta; divides el resultáu ente'l pesu unitariu y sabes cuantes unidaes tienes nesi conxuntu. En casu de que nun tengas una báscula de precisión, siempre te pues alcordar del xuez garzón y pidí-y una, si garzón por daqué cosa ta fuera solo has comunicar col tribunal d'orde públicu, digo audiencia nacional.
1930 salgo, echo'l pitu, tomo una cerveza, depués escribo

tercer día

2005-06-01T20:26:00.000+02:00

0800 garro l'aspiradora y entamo a aspirar cuando me dicen que me dea prisa pa estrenar la maquina llimpiadora del suelu. enantes pensaba que los suelos de les aries comerciales llimpiábanse per un complicáu sistema de canales y aspiradores manexaes pola mano del toupoderosu, pero non, los suelos llímpienlos xente corriente como tu o como yo.
0900 entamo'l llabor del día, toca la fundición. pieces de toles formes y tamaños pa ser revisaes, caxes de más de trenta quilos a depositar nuna estantería a metro y mediu d'altor, onde a les máquines-yos queda pequeña l'actividá del proletariáu ye la única resolutiva.
1200 más fundición.
1300 pa casina.
1500 vuelvo y entamo revisar unos palés que llegaren hai un día, ayer. tan fechos por una marca sueca que tien plantes de producción en portugal, suiza, suecia... ye la globalización, alcordeme del anunciu d'aceru de portugal; l'aceru taría fecho en portugal, pero'l diseñu de les pieces venía de suecia. nuna de les caxes había una pieza que yera italiana, alcordeme de clara.
1800 acabo la revisión y llevo los palés al so sitiu. póngome a barrer, l'alamacen aseméyase a los xardinos de versalles, cuando taben faciendo los planos, pieces de fundición per toles partes, barro y siéntome louis xvi paseando con maria antonieta (nesti casu maria antonieta ye la escoba).
1900 póngome con otru palé, esti va rápidu.
1930 prendo'l pitu de la victoria, otru día más fechu.
mañana más.

segundu día

2005-05-31T13:24:00.000+02:00

son les 7 la mañana y yá tengo que me llevantar otra vuelta entama otru día más, la ilusión de pensar que depués d'esti solo van quedar 178 p'acabar el contratu ye la que me motiva a llevantame.
0900 apaez un palé enorme componentes llétricos, creo, los mozos d'alamacen solu vemos les referencies. Entamo mirar si ta too.
1200 depués de ver que sí taba too lo que yera y de volver empaquetar lo enantes desempaquetao abro otru palé.
1300 salgo, tengo fame. y sobre toles coses fumo, alcordáivos de que nun puedo fumar; anque cuando saqué la basoria vi que onde'l cubu hai munches colilles, habré siguir observando.
1500 vuelta a la contabilidá.
1510 reflexón: la llingua asturiana úsase con tola naturalidá del mundiu, lo normal ye falar n'asturianu. lo que nun tengo seguru ye si esiste conciencia llingüística; quién sabe?
1700 depués de cuntar el segundu palé, y volver metelo too en caxines, dícenme que vaya pa fuera a barrer, salgo sorriente tar fuera l'alamacén ye como tar na terraza d'el paragües. L'aria en cuestión ye como dos canches de futbito, los compañeros van dir xugar futbol esti sábadu yo yá sabéis que como que non.
1800 barrí la cancha, había espumillón d'eso que s'emplega p'adornar les cases n'avientu. póngome con otru palé hasta les 1930 y vuelvo pa casina.
1940 llego a casa y cámbiome, xubo a uviéu. sueño con una mahou...
2200 los güeyos nun se tienen abiertos, adios uviéu adios cerveces, el ferreteru derechu pa la cama...

primer día

2005-05-31T05:07:00.000+02:00

630 toi contentu, ayer francia dixo non al tratáu de la unión europea. la izquierda esiste.
645 llevántome
730 salgo de casa pa pillar l'alsa, enantes conocíu como llanera.
740 tomo'l café con lleche del tiempu, lo de la lleche natural vamos dexalo; nunca meyor dicho; pa prau.
755 echo'l que va ser l'últimu pitu de la mañana, suaño conque dea la una pa echar otru.
800 entamo a trabayar.
805 descubro que pa funcionar cola aspiradora hai que-y poner un cartonín nel botón d'arrancar.
900 danme ropa de la empresa, pantalones azul marino y polo mariellu, siéntome'l fernando alonso de la llimpieza.
920 descargo un palé, cuento les caxes de torniellos del palé.
1100 depués de cuntales y ver que tan les que teníen que ser, vuelvo a meteles en palé. fale solamente col encargáu del almacen.
1130 entamo la etiquetación de manielles pa les puertes, podíen pone-yos un códigu de barres a fueu, diba quedar perguapu.
1230 acabo de les etiquetar y llévoles pa la tienda.
1300 salgo, pienso n'echar un pitu.
1436 yá comí, yá toi fumando un pitu, vuelvo pal trabayu.
1450 depués de caleyar per una zona de llugones que nin pel maxín pensare qu'esistiere, tres venti años viviendo en llugones la cosa ye grave, llego a la ferretería otra vuelta.
1500 vuelta al trabayu
1505 apaez un palé enllenu torniellos de tolos tamaños imaxinables, collor solo'l plateáu, pesa sólo 800 quilos puru aceru vascu, qu'esos si que se lo montaron y supieron da-y salida nacional a los sos altos fornos; anque'l final fuera'l mesmu que'l de los de nueso.
1700 depués de cuntar les diferentes menes de torniellos y catalogales, vuelta a metelos en palé pa llevalu perdayuri.
1800 llámenme pa qu'abra la puerta a la xente qu'entra, tan llimpiando los cristales.
1900 entamo a barrer l'almacén.
1930 ye la hora de salir pero tengo que subir un paquete papel hixénico a una estantería, tengo que me xubir a una escalera, miéu busco los frenos de la escalera y darréu xubo los paquetes hixénicos. pel tactu nun van dir a un bañu pretenciosu, y eso que taben col plástico.
1945 llego a casa, escribo.

alvertencia

2005-05-26T21:40:00.000+02:00

el conteníu d'esti blog ye absolutamente imaxinativu, cualesquier paecíu o semeyanza cola realidá ye casualidá. los nomes, feches, llugares, empreses, xeres qué equí se citen son tamién imaxinarios, colo que cualesquier semeyanza cola realidá ye coincidencia. lo que nun ye coinciencia ye la realidá llaboral de la mocedá asturiano, condenada a la emigración y a trabayos que nun respeten los mínimos derechos llaborales de los y les asturianes; la responsabilidá d'esta negación de derechos correspónde-y al gobiernu asturianu; coalición del bloque por asturies, izquierda unida y federación socialista asturiana; na so dexación de funciones y regulación en materia llaboral, que faen posible que miles d'asturianos y asturianes tengan que trabayar en condiciones precaries.
que vos preste.
gracies por lleer.